सोलापूरच्या काँग्रेस पक्षात सुधीर खरटमल यांना बॉस म्हटले जाते, आणि काँग्रेस मधील कार्यकर्त्यांचे ते ‘बॉसच’ आहेत. बॉस ही पदवी त्यांनी स्वतः नाही लावली तर त्यांना कार्यकर्त्यांनी दिलीय, केवळ काँग्रेस पक्षच नाही तर इतर पक्षातील कार्यकर्तेसह अनेक समाजातील युवक त्यांना बॉस म्हणतात. हे सर्वश्रुत आहे,
आता काँग्रेस पक्षात खरटमल सोडून आणखी एका नेत्याला बॉस ही पदवी दिली गेली आहे त्यांनाही बॉस हे पद खुद्द सुधीर खरटमल यांनीच दिले, आमदार प्रणितीताई शिंदे यांनी पण खरटमल यांच्या सुरात सूर मिसळून त्यांना अखेर बॉस ही पदवी बहाल केली अनेकांना वाटत असेल हा दुसरा बॉस कोण?.
नुकताच काँग्रेस पक्षाने आगामी महापालिका निवडणुकीच्या पार्श्वभूमीवर कॉंग्रेस मनामनात, काँग्रेस घराघरात हा नाविन्यपूर्ण उपक्रम सुरू केला आहे. या उपक्रमाची सुरुवात शहराध्यक्ष प्रकाश वाले यांनी आपल्या स्वतःच्या घरातून केली त्यांचे चिरंजीव प्रवीण वाले यांच्या संपर्क कार्यालयाचे उद्घाटन मोठ्या थाटात, जल्लोषात, उत्साहात, भव्य दिव्य आणि शेकडो युवकांच्या उपस्थित आमदार प्रणिती शिंदे यांच्या हस्ते झाले.
एकूणच या कार्यक्रमाचे वातावरण हे शहर उत्तर मधील भविष्यात काँग्रेसचे चित्र बदलणारे होते, ते पाहता सुधीर खरटमल यांनी प्रकाश वाले यांना बॉस म्हणून संबोधले, शिंदे साहेब म्हणतात.. शहराचा जो अध्यक्ष असतो तो आमचा बॉस. मग आता अध्यक्ष वाले आहेत म्हणून तुम्ही आमचे बॉस असे सांगितल्यानंतर जेव्हा आमदार प्रणिती शिंदे या भाषणाला उठल्या तेव्हा, त्यांनीही शहराध्यक्ष प्रकाश वाले यांना बॉस म्हणून संबोधले आणि खरोखरच शहराध्यक्ष हा आमचा आणि पक्षाचा बॉस असतो असे सांगून त्यांच्या नावापुढे ‘बॉस’ या पदवीला शिक्कामोर्तब केले. आता प्रकाश वाले हे बॉस या पदाला कशा पद्धतीने न्याय देतात हा येणारा काळ सांगणार आहे.
