अकलूज ग्रामपंचायत बरखास्त नगरपरिषद होणार ; माळेवाडी गावचा समावेश, नोटिफिकेशन निघाले

सोलापूर जिल्ह्यातील माळशिरस तालुक्यातील अकलूज-माळेवाडी, श्रीपुर-म्हाळुंग, नातेपुते या नगरपरिषदेचा प्रस्ताव शासनाकडे एक वर्षपूर्ती पाठवण्यात आला होता, अखेर त्यापैकी अकलूज-माळेवाडी या दोन ग्रामपंचायतीचा नगरपरिषदेमध्ये समावेश करण्यात आला असून अकलूज ही 14 वी नगरपरिषद होणार आहे, शासनाच्या नगरविकास विभागाने आदेश काढले आहेत. त्यामुळे अकलूज जिल्हा परिषद मतदारसंघ व दोन पंचायत समिती मतदारसंघ संपुष्टात येणार आहेत जिल्हा परिषद सदस्य म्हणून शितलादेवी मोहिते पाटील आहेत.

अकलूज नगरपरिषदेच्या हद्दीमध्ये समाविष्ट करावयाच्या स्थानिक क्षेत्राचे वर्णन

अकलूज गावचे गावठाण व सर्व्हे नं. १ ते १७० मध्ये असलेले संपूर्ण महसुली क्षेत्र माळेवाडी (अ) गावचे सर्व्हे नं. १ ते ८७ मध्ये असलेले संपूर्ण महसुली क्षेत्र

अनुसूची “ब”

अनुसूची “अ” मध्ये नमुद केलेले संपुर्ण स्थानिक क्षेत्र समाविष्ट केल्यानंतर

अकलूज नगरपरिषदेच्या सुधारित सीमा

पूर्व – सर्व्हे नं. २१, २२, २४, २५, २६, २७, ३२, ३३, ३४, ३८, ३९, ४३, ४४, ४४ भाग, ४५, ६४, ६७ 

पश्चिम सर्व्हे नं. ९९, ९५, ११०, ११३, ११४, १२२, १३१, १३४, १३४ भाग, १३६, १४१, १४३, 

१४६, १४७  

दक्षिण : सर्व्हे नं. ६१ ते ६९, ६९ भाग, ७९, ८०, ८२, ८४, ८५, ८६, ३ ते ८, ८४, ८५, ९८

उत्तर : सर्व्हे नं. १, ३, ४, ६, ९, १०, १७, १८, १९, २१, २२, २५, २६, २८, ३१, १३१ भाग, १३४, १३५, १५३, १५४, १५५, १५६, १५७, १६०, १६२, १६३, १६३ भाग.

माळशिरस तालुक्यातील अकलूज-माळेवाडी, नातेपुते, श्रीपुर-महाळुंग,यामध्ये मालेवाडी 1 हजार लोकसंख्या व अकलूज 39 हजार अशी 40 हजार लोकसंख्या होती ती नगरपरिषद ब वर्गातील होणार आहे, यामध्ये अकलूज शितलादेवी मोहिते पाटील, म्हाळुंग अरुण तोडकर, नातेपुते साक्षी सोरटे हे तीन जिल्हा परिषद सदस्य कमी होणार आहेत.

३ ऑगस्ट २०२१ अन्वये महाराष्ट्र नगरपरिषदा, नगरपंचायती व औद्योगिक नगरी अधिनियम १९६५ (१९६५ चा महा. ४०) याच्या कलम ३४१ क चे पोट-कलम (१) व (२) या तरतुदीनुसार प्रदान करण्यात आलेल्या अधिकारांचा वापर करुन महाराष्ट्र शासनाने सोलापूर जिल्ह्यातील अकलुज या ग्रामपंचायतीचे स्थानिक क्षेत्र, ग्रामीण क्षेत्रातून नागरी क्षेत्रामध्ये संक्रमित होणारे क्षेत्र हे संक्रमणात्मक क्षेत्र म्हणून विनिर्दिष्ट करण्यासाठी व उक्त संक्रमणात्मक क्षेत्रासाठी “अकलुज नगरपंचायत” गठित केली आहे.

आणि ज्याअर्थी, नव्याने रचना केलेल्या अकलुज नगरपंचायतीची रितसर रचना होईपर्यंत उक्त नगरपंचायतीचे अधिकार व कर्तव्ये पार पाडण्यासाठी शासकीय अधिकाऱ्याची नियुक्ती करणे इष्ट वाटते;

म्हणून, आता, महाराष्ट्र नगरपरिषदा, नगरपंचायती व औद्योगिक नगरी अधिनियम १९६५ (१९६५ चा महा. ४०) कलम ३४० च्या परिच्छेद (i) च्या कलम (e) पोट कलम (२) व इतर प्रदान केलेल्या अधिकारांचा वापर करून महाराष्ट्र शासन, याद्वारे, नव्याने गठीत केलेल्या उक्त नगरपंचायतीची उक्त अधिनियमान्वये यथोचित रचना होईपर्यंत तहसिलदार, माळशिरस जि. सोलापूर यांची नगरपंचायतीच्या संबंधित सर्व अधिकार व कर्तव्य पार पाडण्यासाठी प्रशासक म्हणून नियुक्ती करीत आहे.