खांद्यावर घोंगडी, हातात काठी, मुखी येळकोट येळकोट जय मल्हारचा जयघोष ; धनगर समाजात लक्ष वेधतोय हा प्रणिती शिंदेंचा व्हिडिओ
सोलापूर : लोकसभा निवडणुकीसाठी काँगेस पक्षाच्या उमेदवार प्रणिती शिंदे यांचा प्रचार सध्या जोरात सुरू आहे. भारतीय जनता पार्टीचा उमेदवार घोषित होण्याअगोदरच काँग्रेसच्या प्रणिती शिंदे यांनी मंगळवेढा पंढरपूर मोहोळ दक्षिण सोलापूर या तालुक्यांचे प्रचार दौरे करून घेतले.
त्यांना काही गावात विरोध वगळता उस्फुर्त आणि प्रचंड असा प्रतिसाद पाहायला मिळतो आहे. स्थानिक व ओरिजनल आणि काम करणारी धडाडीची कार्यकर्ता म्हणून प्रणिती शिंदे यांच्याकडे जनता पाहत आहे. शहर मध्य मध्ये मागील पंधरा वर्षात त्यांनी केलेली कामे, जनतेमध्ये ठेवलेला जनसंपर्क, विधानसभेत मांडलेले विषय त्यामुळे त्यांची क्रेझ युवक आणि महिलांमध्ये प्रचंड दिसून येते.
त्या दक्षिण सोलापूर तालुक्यातील दौऱ्यावर असताना या मतदारसंघातील मोठ्या प्रमाणात आणि निर्णय ठरणाऱ्या धनगर समाजाने प्रणिती शिंदे यांचे अतिशय जोरदारपणे स्वागत केले. खांद्यावर घोंगडी, हातात काठी घेऊन येळकोट येळकोट जय मल्हारच्या घोषणेने सारा परिसर दणाणून गेला होता.
