माध्यामिक शिक्षण विभागाला मिळाले दुसरे उपशिक्षणाधिकारी ; जगताप यांच्या जोडीला आले विठ्ठल ढेपे
सोलापूर : सोलापूरच्या शिक्षण क्षेत्रात कायमच चर्चेचा विषय असलेल्या माध्यमिक शिक्षण विभागाला आता दुसरे उपशिक्षणाधिकारी भेटले असून जिल्हा परिषदेतील वेतन अधीक्षक म्हणून काम पाहणारे विठ्ठल ढेपे यांची माध्यमिक शिक्षण विभागात उप शिक्षण अधिकारी म्हणून बदली झाली आहेत.
मागील दोन ते तीन वर्षापासून विठ्ठल ढेपे हे शिक्षण विभागात वेतन अधीक्षक म्हणून काम पाहत होते. ते मूळ सोलापूर जिल्ह्यातील बाळे येथील रहिवासी आहेत. यापूर्वी त्यांनी सोलापूर महापालिका शिक्षण मंडळात प्रशासन अधिकारी म्हणून काम पाहिले आहे.
