गणेश वानकरांच्या हुरडा पार्टीत राजकीय खलबते ; सोलापूर लोकसभा जिंकण्याचा महाविकास आघाडीचा निर्धार
ठाकरे गटाच्या शिवसेनेचे जिल्हाप्रमुख गणेश वानकर यांच्या देगाव येथील फार्म हाऊसवर माजी केंद्रीय गृहमंत्री सुशीलकुमार शिंदे यांच्या प्रमुख उपस्थितीत महाविकास आघाडीतील त्यांचे हुरडा पार्टी रंगली. यावेळी सोलापूर लोकसभा जिंकण्याचा निर्धार उपस्थित सर्वच नेत्यांनी केला.
माजी केंद्रीय गृहमंत्री सुशीलकुमार शिंदे, आमदार प्रणिती शिंदे यांच्या प्रमुख उपस्थितीत शिवसेना जिल्हा प्रमुख गणेश वानकर यांच्या फार्म हाउस वर महाविकास आघाडीची बैठक संपन्न झाली. आणि यावेळी हुरडा पार्टीचे आयोजन करण्यात आले.
यावेळी शिवसेना लोकसभा क्षेत्र प्रमुख पुरुषोत्तम बर्डे, शिवसेना सोलापुर जिल्हा प्रमुख (ग्रामीण) गणेश वानकर, काँग्रेस शहराध्यक्ष चेतन नरोटे, शिवसेना उपनेते अस्मिता गायकवाड़, जिल्हा शिवसेना महिला प्रमुख सिमा पाटील, शिवसेना सोलापुर जिल्हा प्रमुख (शहर) अजय दासरी, राष्ट्रवादी शरद पवार गटाचे अध्यक्ष भारत जाधव, माजी मंत्री सिद्धाराम म्हेत्रे, माजी आमदार प्रकाश यलगुलवार, माजी आमदार दिलीप माने, काँग्रेस जिल्हा कार्याध्यक्ष सुरेश हसापुरे, जेष्ठ नेते प्रकाश वानकर, जेष्ठ नेते दीपक गायकवाड़, काँग्रेस नेते अशोक निंबर्गी, माजी महापौर मनोहर सपाटे, जनार्दन कारमपुरी, जेष्ठ नेते सुधीर खरटमल, प्रमोद गायकवाड, विनोद भोसले , तिरुपती परकीपांडला यांच्या प्रमुख नेते उपस्थित होते.
आगामी निवडणुका एकजुटीने लढून जिंकण्याचा निर्धार यावेळी सर्वानी व्यक्त केला. उपस्थित मान्यवरांचे स्वागत जेष्ठ नेते प्रकाश वानकर आणि गणेश वानकर त्यांचे बंधु दत्तात्रय वानकर, विट्ठल वानकर परिवार यांनी केले.
