राष्ट्रवादी नेते तौफिक शेख यांच्यावर ओपन हार्ट सर्जरी यशस्वी ; चार ब्लॉकेज निघाले
सोलापूर : शरदचंद्र पवार राष्ट्रवादी काँग्रेसचे नेते तौफिक शेख यांच्यावर पुणे येथे यशस्वीपणे ओपन हार्ट सर्जरी करण्यात आली. ते सोलापुरात आले असून त्यांनी सर्व समर्थक मित्र परिवाराचे आभार व्यक्त केले आहेत.
राष्ट्रवादी काँग्रेसचे नेते माजी महापौर महेश कोठे यांचे हृदयविकाराच्या तीव्र झटक्याने निधन झाल्यानंतर सोलापूरच्या राजकीय क्षेत्रात हळहळ व्यक्त करण्यात आली. महेश कोठे यांच्यावर अंत्यसंस्कार झाल्यानंतर दुसऱ्या दिवशी याच पक्षाचे नेते तौफिक शेख यांना चालताना दम लागून त्रास होत असल्याने त्यांना सोलापुरात त्यांच्यावर सोलापुरात तपासणी करण्यात आली.
यावेळी त्यांच्या हार्ट मध्ये चार ब्लॉकेज निघाले. त्यामुळे तातडीने हृदयाचे ऑपरेशन करण्याच्या सूचना डॉक्टरांनी दिल्या. त्यानुसार त्यांचे मोठे बंधू माझे महापौर आरिफ शेख व कुटुंबियांनी त्यांना दुसऱ्या दिवशी पुणे येथील फातिमा नगर इथल्या रसिकलाल धारीवाल हार्ट केयर अँड रिसर्च इन्स्टिट्यूट या हॉस्पिटलमध्ये हलवले.
या ठिकाणी डॉ रणजित जगताप यांच्या मार्गदर्शनाखाली ओपन हार्ट सर्जरी करण्यात आली. ते ऑपरेशन यशस्वी झाले.
तौफिक शेख यांना ब्लड प्रेशर किंवा शुगरचा असा कोणताही त्रास नसल्याने व्यवस्थित ऑपरेशन झाले.
ते पुणे येथे ऍडमिट असताना सोलापूरचे समर्थक व मित्र परिवार आले होते. तो पेक्षा त्यांच्यावर यशस्वी शस्त्रक्रिया व्हावी म्हणून अनेक समर्थक कार्यकर्त्यांनी अजमेर या ठिकाणी जाऊन प्रार्थना केली. हे ऑपरेशन यशस्वी झाल्यानंतर तो पेक्षा यांना बुधवारी सोलापुरात आणण्यात आले असून त्यांनी एक व्हिडिओ करून सर्वांचे आभार व्यक्त केले आहेत.
