राष्ट्रवादीच्या सुधीर खरटमल यांचा भाजपला खोचक सवाल ; तुम्ही कार्यकर्त्यांना… ; टोपीचंद, मंगळसुत्र चोर म्हणून उडवली टर
सोलापूर : भाजप आमदार गोपीचंद पडळकर यांनी राष्ट्रवादी काँग्रेसचे ज्येष्ठ नेते आमदार जयंत पाटील यांच्यावर खालच्या दर्जात केलेल्या टीकेनंतर संपूर्ण राज्यभरात पडसाद उमटले असून पडळकर यांच्यावर राष्ट्रवादी काँग्रेसच्या कार्यकर्त्यांमधून संताप व्यक्त होत आहे.
सोलापुरात शहराध्यक्ष सुधीर खरटमल आणि महिला अध्यक्ष सुनीता रोटे यांच्या नेतृत्वाखाली चार हुतात्मा स्मारकासमोर गोपीचंद पडळकर यांच्या प्रतिमेला जोडे मारण्यात आले. राष्ट्रवादीच्या कार्यकर्त्यांनी गोपीचंद यांची टोपीचंद म्हणून आणि मंगळसूत्र चोर म्हणून टर उडवली.
दरम्यान आमदार पडळकर यांच्या वक्तव्यावर बोलताना अध्यक्ष खरटमल यांनी तीव्र संताप व्यक्त करत असे वाटते की भारतीय जनता पार्टी आपल्या कार्यकर्त्यांना अशी बोलण्याची ट्रेनिंग देतो का असा खोचक सवाल केला. गोपीचंद पडळकर सोलापुरात दिसल्यावर त्यांच्या गाडीवर दगडफेक करू असा इशारा दिला.
सुनीता रोटे आणि लता फुटाणे यांनी गोपीचंद पडळकर यांचा निषेध व्यक्त केला.
