सोलापूरच्या 12 नगरपालिकेच्या निवडणुका लागल्या ! टेन्शन वाढले, जिल्ह्यात आचारसंहितेबाबत कसे काय?
स्थानिक स्वराज्य संस्थेच्या निवडणूकांची तारीख मंगळवारी जाहीर झाली आहे. मात्र यामध्ये केवळ नगरपरिषद आणि नगरपंचायतीच्या निवडणूका जाहीर झाल्या आहेत.
पहिल्या टप्प्यात 246 नगरपरिषद आणि 42 नगरपंचायतीच्या निवडणुकांचा कार्यक्रम जाहीर झाला आहे. राज्य निवडणूक आयोगाचे आयुक्त दिनेश वाघमारे यांनी आज पत्रकार परिषद घेऊन याबाबत माहिती दिली.
यामध्ये 10 ते 19 नोव्हेंबर पर्यत अर्ज भरता येणार, तर 2 डिसेंबर रोजी मतदान प्रक्रिया आणि 3 डिसेंबर रोजी मतमोजणी होणार आहे.
सोलापूर जिल्ह्यातील अनगर अक्कलकोट, दुधनी, मैंदर्गी, मोहोळ, बार्शी, पंढरपूर, अकलूज, सांगोला, मंगळवेढा, कुर्डुवाडी, करमाळा या बारा नगरपालिका व नगर पंचायत आहेत.
जिल्ह्यातील बारा नगरपालिका असल्याने आचारसंहिता संपूर्ण जिल्ह्यात लागणार का असा प्रश्न सर्वत्र उपस्थित करण्यात येत होता. परंतु निवडणूक आयोगाने स्पष्टीकरण दिले असून ही आचारसंहिता केवळ नगरपालिका क्षेत्रापुरतीच असणार आहे.
