सोलापुरात भारती विद्यापीठात अभिजीत कदम यांना आदरांजली
भारती विद्यापीठाचे संस्थापक महाराष्ट्र राज्याचे माजी मंत्री डॉ. पतंगराव कदम यांचे ज्येष्ठ चिरंजीव अभिजित कदम यांच्या 47 व्या जयंतीनिमित्त त्यांना अभिजीत कदम इन्स्टिट्यूट ऑफ मॅनेजमेंट अँड सोशल सायन्स सोलापूरच्या वतीने आदरांजली वाहण्यात आली.
सुरुवातीला इन्स्टिट्यूट चे संचालक प्रा. डॉ. एस बी सावंत यांनी कदम यांच्या प्रतिमेचे पूजन केले त्यानंतर सर्व शिक्षक व शिक्षकेतर कर्मचारी यांनी आदरांजली वाहिली. यावेळी डॉ. शबनम माने यांनी अभिजीत दादांच्या आठवणींना उजाळा दिला. त्यांचे शैक्षणिक व सामाजिक क्षेत्रातील भरीव कार्याविषयी माहिती दिली.
त्याचप्रमाणे सुचित्रा बागल यांनी अभिजीत दादांच्या स्मरणार्थ देण्यात येणाऱ्या मानवता पुरस्कार याविषयी माहिती दिली. संचालक प्रा. डॉ. एस बी सावंत यांनी इन्स्टिट्यूटला अभिजीत दादांचे नाव देण्यात आले आहे व सर्व शिक्षक व शिक्षकेतर कर्मचाऱ्यांनी इन्स्टिट्यूटच्या वाढीसाठी कष्ट करणे व प्रयत्न करणे हीच यावेळी अभिजीत दादांना आदरांजली राहील असे सांगितले.
