दक्षिण तालुक्यात नवा ट्विस्ट ; भाजपच्या सचिन चव्हाण यांना परिवर्तन आघाडीत येण्याचे साकडे
बंजारा समाजातील नामवंत परिवार म्हणून ज्यांच्याकडे पाहिले जाते अशा चंद्राम चव्हाण गुरुजी यांचे नातू सचिन चव्हाण यांची नुकतीच संत सेवालाल महाराज बंजारा समाज समृद्धी योजनेच्या शासकीय सदस्य पदी निवड झाल्याबद्दल सोनाई फाउंडेशन आणि दक्षिण सोलापूर परिवर्तन आघाडीकडून सत्कार करण्यात आले.
यावेळी सोनाई फौंडेशनचे संस्थापक अध्यक्ष युवराज राठोड, शिंदे गट सेनेचे उपजिल्हाप्रमुख अण्णप्पा सतूबर, मागास समाज सेवा मंडळाचे सचिव किरण चव्हाण, नितीन चव्हाण, सनी राठोड, अमोगसिध्द गायकवाड, प्रशांत रणदिवे, जितेश चव्हाण यांच्यासह आदींनी उपस्थित राहून शुभेच्छा देत दक्षिण सोलापूर परिवर्तन आघाडीत सामील होण्याचे साकडेही चव्हाण यांना घालण्यात आले.
मुळात सचिन चव्हाण हे दक्षिण विधानसभा मतदारसंघाचे विद्यमान आमदार सुभाष देशमुख यांचे कट्टर समर्थक मानले जातात परंतु आता दक्षिण विकास परिवर्तन आघाडीने त्यांना साकडे घातल्याने आता ते काय भूमिका घेतात याकडे सर्वांचे लक्ष लागले आहे.
