दक्षिण तालुक्यात राम सातपुते यांचे जागोजागी जंगी स्वागत ; सुभाष देशमुखांच्या विकास कामांची साथ
सोलापूर लोकसभा मतदारसंघाचे भाजप उमेदवार राम सातपुते यांचे दक्षिण सोलापूर तालुक्यात ठिकठिकाणी जंगी स्वागत करण्यात आले. या तालुक्याचे आमदार सुभाष देशमुख यांनी केलेल्या विकास कामांची साथ यावेळी सातपुते यांना मिळाल्याचे पाहायला मिळाले.
होटगी गावाला सदिच्छा भेट दिली असता या भेटी दरम्यान गावकऱ्यांनी अत्यंत उत्साहात स्वागत करत सातपुते यांचा सत्कार केला आणि लोकसभा विजयासाठी शुभेच्छांचा वर्षाव केला.
या दरम्यान गावकऱ्यांशी संवाद साधत गावांतील तरुणांसाठी रोजगार उपलब्ध करून देण्याला प्राधान्य देणार असून सोलापूर मतदारसंघात अनेक कंपन्यांना घेऊन येण्यासाठी प्रयत्न राहणार असा निर्धार सातपुते यांनी व्यक्त केला.
यावेळी दक्षिण सोलापूरचे आमदार सुभाष देशमुख यांनी मार्गदर्शन केले. तसेच गावागावांत रस्त्याची अनेक विकासकामे झाली असून येणाऱ्या काळात जनतेच्या कल्याणासाठी मोदी सरकार अनेक योजना राबविणार असून त्यासाठी सर्वांनी पुन्हा एकदा एकत्रित येऊन मोदी सरकारला संधी द्यावी आणि विकासाला साथ द्यावी, असे आवाहन केले.
याप्रसंगी विधानसभा प्रमुख हनुमंत कुलकर्णी, तालुकाध्यक्ष संगपा केरके, जिल्हा उपाध्यक्ष रामप्पा चीवडशेट्टी, जिल्हा उपाध्यक्ष मळसिद्ध मुगळे, भाजप जिल्हा उपाध्यक्ष यतीन शहा, पक्षनेता अण्णाराव बाराचारे, महिला मोर्चा अध्यक्ष अंबिका पाटील, युवा मोर्चा अध्यक्ष आप्पासाहेब मोटे, सरचिटणीस अतुल गायकवाड, युवा मोर्चा अमोल गायकवाड, उपसरपंच मल्लिनाथ पटणे, विठ्ठल लांडगे, वसीम गिरगावकर, इलाही शेख, कोटाणे काका तसेच समस्त गावकरी व कार्यकर्ते उपस्थित होते.
