सोलापूर : बिल्डर असोसिएशन ऑफ इंडियाच्यावतीने बांधकाम क्षेत्रातील अत्याधुनिक तंत्रज्ञानाने परिपूर्ण असलेल्या मशनरीचे प्रदर्शन भरवण्यात आले आहे. तीन दिवसीय या प्रदर्शनाला सोलापूरसह आजूबाजूच्या जिल्ह्यातून उस्फुर्त असा प्रतिसाद मिळत आहे.
दोन दिवसात हजारो नागरिकांनी या प्रदर्शनाला भेटी दिल्या असून तब्बल नऊ कोटीची मशनरी खरेदी करण्यात आली आहे. सोमवार नाताळ हा शेवटचा दिवस आहे.
सोलापूर शहरातील एन जी मिल लगत असलेल्या मैदानावर हे मशनरी चे प्रदर्शन भरवण्यात आले आहे. या प्रदर्शनामध्ये 55 स्टॉल असून अत्याधुनिक मशनरी सह गृह प्रकल्पाचेही स्टॉल आहेत.
बिल्डर असोसिएशन ऑफ इंडिया सोलापूर शाखेचे अध्यक्ष युवराज चुंबळकर यांनी या उत्स्फूर्त अशा प्रतिसादाबद्दल सोलापूरकरांचे आभार व्यक्त केले दोन दिवसात तब्बल नऊ कोटीची खरेदी झाल्याची माहिती देत सोमवारी शेवटच्या दिवशी या प्रदर्शनाचा लाभ सोलापूरकरांनी घ्यावा असे आवाहन केले.
