ब्रेकिंग : सोलापुरात भाजपने काँग्रेसचा केला ‘विनोद’ ; काँग्रेस कट्टर नेत्यांचे चिरंजीव भाजपात ?
सोलापूर : महापालिकेच्या निवडणुकीच्या पार्श्वभूमीवर काँग्रेस पक्षाला आणखी एक जोरदार धक्का सोलापूर मध्ये बसला असून काँग्रेसचे दिवंगत ज्येष्ठ आणि एकनिष्ठ नेत्यांचे चिरंजीव माजी नगरसेवकाने भारतीय जनता पार्टीमध्ये प्रवेश केल्याची जोरदार चर्चा रंगली आहे. मिळालेल्या माहितीनुसार याबाबत रविवारी अधिकृत घोषणा करण्यात येणार आहे.
दोनच दिवसांपूर्वी माजी आमदार दिलीप माने यांचा भाजपमध्ये प्रवेश झाला. संबंधित नेता हा दिलीप माने यांचेही समर्थक मानला जाते.
प्रभाग 15 मध्ये ते 2017 मध्ये झालेल्या निवडणुकीत काँग्रेस पक्षाकडून विजयी झाले होते.
या नेत्याच्या भाजप प्रवेशाने काँग्रेस सह शहराचे अध्यक्ष चेतन नरोटे यांना सुद्धा मोठा धक्का मानला जात आहे. यंदा या युवा नेत्याला घेऊनच नरोटे हे नियोजन करत होते मात्र आता तेच भाजपमध्ये गेल्याने शहराध्यक्षांची चांगलीच अडचण झाली आहे.
आमदार देवेंद्र कोठे यांनी शहर मध्य या मतदारसंघात शतप्रतिशत भाजप निवडून आणण्याचा विडा उचललेला आहे. त्यासाठी त्यांनी व्यूव्हरचना रचली असून काँग्रेस पक्ष त्यांचा मुख्य टार्गेट असल्याचे दिसून येते. या युवा नेत्याच्या भाजपमध्ये जाण्याने आता काँग्रेस पक्ष आणि खासदार प्रणिती शिंदे यांच्या निर्णयाकडे सोलापूरचे लक्ष राहील.
