आनंद चंदनशिवे यांना अजित पवारांचा फोन ; ग्रामीण भागात तुमचा प्रभाव चांगला ; दादांशी समन्वय ठेवा
सोलापूर : महाराष्ट्र राज्याचे उपमुख्यमंत्री तथा राष्ट्रवादी काँग्रेस पक्षाचे राष्ट्रीय अध्यक्ष अजित पवार यांनी 42 लोकसभा सोलापूर मतदारसंघातील उमेदवार राम सातपुते यांच्या प्रचार संदर्भात माजी गटनेते आनंद चंदनशिवे यांना भ्रमणध्वनी द्वारे विविध प्रकारच्या सूचना केल्या आहेत. भाजप जिल्हाध्यक्ष तथा आमदार सचिन कल्याणशेट्टी यांच्याशी समन्वय ठेवून ग्रामीण भागात प्रचार यंत्रणा राबवा अशा सूचनाही त्यांनी केल्या आहेत.
सोलापूर लोकसभा मतदारसंघातील उमेदवार राम सातपुते यांच्या निवडणूक प्रचार दरम्यानची जबाबदारी राष्ट्रवादी काँग्रेस पक्षाचे सोलापूर शहर जिल्हाध्यक्ष, समन्वयक तसेच सर्व फ्रंटल सेल पदाधिकारी यांच्यासह आपण भारतीय जनता पार्टीचे जिल्हाध्यक्ष आमदार सचिन कल्याणशेट्टी यांच्याशी योग्य समन्वय करून ज्या पद्धतीने सोलापूर शहरातील प्रचार यंत्रणा व्यवस्थितरित्या चालू आहे.
त्याच धर्तीवर आपण ग्रामीण भागातील आपला संपर्क चांगला असून विशेष करून एक दलित समाजातील कार्यकर्ता या नात्याने आपल्या भेटीगाठी, होम टू होम प्रचार यंत्रणा, कॉर्नर सभा, मेळावे यांच्याद्वारे ग्रामीण भागामध्ये संपर्क वाढविल्यास महायुती मधील उमेदवार निवडून येण्यास चांगले सहकार्य होईल.
महापालिकेचे माजी गटनेते आनंद चंदनशिवे यांचा आंबेडकरी समाजामध्ये दांडगा जनसंपर्क आहे, शहरासोबत ग्रामीण भागात ही त्यांना मानणारा मोठा वर्ग असून त्यामध्ये युवकांची मोठी फळी आहे, निश्चितच महायुतीचे उमेदवार राम सातपुते यांना चंदनशिवे यांच्या माध्यमातून फायदा होईल अशी चर्चा आहे.
