हजारों भगिनींनी दिला महादेव कोगनुरे यांना आशीर्वाद ; भाऊ तुम्ही तयारीला लागा, आम्ही सोबत
सोलापूर : एम के फाउंडेशनच्या वतीने भव्य असा हळदी कुंकू कार्यक्रम घेण्यात आला. जुळे सोलापूर भागातील सुमारे चार हजार महिलांनी या कार्यक्रमाला उपस्थित लावून फाउंडेशनचे संस्थापक अध्यक्ष महादेव कोगनुरे यांना विधानसभेची तयारी करण्याचा आशीर्वाद दिला.
विजापूर रोड वरील निर्मिती लॉन याठिकाणी एम. के. फाउंडेशनने या हळदी कुंकू समारंभाचे आयोजन केले होते.उद्योजिका व महावीर बँकेचे संचालक पूनम लोणावत, साम्राज्य न्यूज चॅनलच्या संस्थापिका स्वाती मानसावाले, मानवता संघटना प्रदेश अध्यक्ष सुनिता बोकडे, सोलापूर राष्ट्रवादी महीला शहराध्यक्ष सुनीता रोटे या मान्यवर महिलांची उपस्थिती होती.
एम के फाउंडेशनचे अध्यक्ष तथा सागर सिमेंटचे महाराष्ट्र हेड महादेव कोगनुरे हे दक्षिण सोलापूर विधानसभा मतदारसंघातून इच्छुक आहेत. सामाजिक कार्यातून त्यांनी सर्वांचे लक्ष वेधून घेतले आहे. गावोगावी फिरून त्यांनी नागरिकांच्या गाठीभेटी घेतल्या आहेत. जळीत ग्रस्त कुटुंबासाठी तर ते देवदूत ठरले आहेत. दरवर्षी ग्रामीण भागातील विद्यार्थ्यांना लाखो वह्या वाटप करण्यात येतात. त्यांची एकूणच घडपड पाहता या हळदी कुंकू समारंभाला आलेल्या महिला भगिनींनी भाऊ, तुम्ही तयारीला लागा आम्ही सोबत आहोत असा आशीर्वाद दिला.
