ज्या अर्थी, सोलापूर महानगरपालिकेने श्री सिध्देश्वर सहकारी साखर कारखान्याची अनधिकृत चिमणी • पाडण्याची प्रक्रिया सुरु केली आहे.
श्री सिध्देश्वर सहकारी साखर कारखान्याची अनधिकृत चिमणी पाडण्याची प्रक्रियेस वरील कारणास्तव आणि इतर घटनामुळे कायदा व सुव्यवस्था आणि सार्वजनिक सुव्यवस्थेस बाधा निर्माण होण्याची शक्यता आहे.
त्याअनुषंगाने मी डॉ. राजेंद्र माने, पोलीस आयुक्त, सोलापूर शहर म्हणून सोलापूर शहर पोलीस आयुक्तालयाचे कार्यक्षेत्रात फौजदार दंड प्रक्रिया संहिता १९७३ चे कलम १४४ अन्वये मला प्रदान करण्यात आलेल्या शक्तींचा वापर करुन दि. १३/०६/२०२३ रोजी दुपारी १४.०० वा. पासून पुढील आदेशापर्यंत श्री सिध्देश्वर साखर कारखानापासून १ किलोमीटरचे परिसरात पोलीस आयुक्तालय, सोलापूर शहरचे कार्यक्षेत्रात अंमलात खालीलप्रमाणे आदेश लागू करीत आहे.
सदर आदेश काढण्याची बाब ही तातडीची व सार्वजनिक हिताच्या दृष्टीने अतिआवश्यक असलेने पत्याकामाची संबंधीतास नोटीस देणे शक्य होणार नाही असे आमचे मत आहे.
श्री सिध्देश्वर साखर कारखाना परिसराचे १ किलोमिटरचे परिघात कोणत्याही व्यक्तीस अत्यावश्यक कारण / सेवा वगळता संचार करण्यास प्रतिबंध असेल.
श्री सिध्देश्वर साखर कारखाना परिसराचे १ किलोमिटरचे परिघात असलेले सर्व सभागृह, मंगल कार्यालय, रेस्टॉरंट, बार, हॉटेल्स्, धार्मिक स्थळे, प्रार्थना स्थळे हे बंद राहतील.
सदर आदेशाचा कोणी कोणत्याही प्रकारे भंग केल्यास, ती व्यक्ती भारतीय दंड संहीतेचे कलम १८८ प्रमाणे शिक्षेस पात्र होईल. अशा व्यक्ती विरुध्द त्यांचेविरुध्द संबंधित पोलीस ठाण्याचे प्रभारी अधिकारी यांनी कायदेशीर कारवाई करावी.
सदर बंदी आदेश दि. १३/०६/२०२३ रोजी दुपारी १४.०० वा. पासून पुढील आदेशापर्यंत श्री सिध्देश्वर साखर कारखानापासून १ किलोमीटरचे परिसरात पोलीस आयुक्तालय, सोलापूर शहरचे कार्यक्षेत्रात अंमलात राहिल. सदरचा आदेश हा माझ्या सही व शिक्यानिशी दिला आहे.
