सोलापूरात साहित्यरत्न अण्णाभाऊ साठे यांचे विचार सर्वांपर्यंत पोहचविण्यासाठी भैय्या चौकातील बंद पडलेली नरसिंग गिरजी मिल मध्ये स्मारक बांधण्यात यावे. यासह विविध मागण्याकरिता गुरुवारी जिल्हाधिकारी कार्यालय समोर डेमोक्रेटिक पार्टी ऑफ इंडिया पक्षाचे हल्लाबोल आंदोलन करण्यात आले.
हे आंदोलन डीपीआयचे शहर अध्यक्ष रोहन कामने यांच्या नेतृत्वाखाली करण्यात आले. पक्षाच्या प्रमुख मागण्या पुढीलप्रमाणे आहेत
१) नरसिंग गिरजी मिल येथील वस्त्रोद्योग महामंडळाच्या आरक्षीत जागेत राज्यस्तरीय स्मारक भवन उभरण्यात यावे.
२) लहुजी अभ्यास आयोगाच्या शिफारशीनुसार अनु. जाती आरक्षण जातीचे अ. ब. क. वर्गीकरण करण्यात यावे.
३) साहित्यरत्न लोकशाहीर अण्णाभाऊ साठे यांचे संयुक्त महाराष्ट्रातील चळवळीचे योगदान पाहता त्यांचा उंच पुतळा, स्मारक भवन परिसरात बांधून त्यांचा यथोचित गौरव करण्यात यावा.
(४) मातंग समाजाच्या उध्दारासाठी बार्टीच्या धरतीवर अर्टीची स्थापना करण्यात यावे.
(५) संयुक्त महाराष्ट्र चळवळीतील अण्णाभाऊ साठे यांचे योगदानाचे भित्तीचित्रे व तैलचित्रे स्मारक भवनात प्रसारित करण्यात यावे.
६) सोलापूर रेल्वे स्टेशनला साहित्यरत्न लोकशाहीर अण्णाभाऊ साठे यांचे नामकरण व्हावे.
७) मातंग समाजाची जातीच्या आधार जणगणना करण्यात यावी.
८) दमाणी नगर, सोलापूर येथील महाराष्ट्र कामगार कल्याण भवनाला साहित्यरत्न लोकशाहीर अण्णाभाऊ साठे यांचे नामकरण करण्यात यावे,
९) नांदेड जिल्ह्यातील अक्षय भालेराव हत्याप्रकरणातील आरोपीना व लातूर जिल्ह्यातील रेणापूर येथील रहिवाशी गिरीधारी तबकाले यांच्या झालेल्या हत्याप्रकरणातील आरोपींना त्वरीत फाशीची शिक्षा व्हावी.
दरम्यान कामने म्हणाले, साहित्यरत्न अण्णाभाऊ साठे यांचे मुंबईसह महाराष्ट्र एकत्रिकरण, कामगार चळवळ, तसेच साहित्य क्षेत्रातील योगदान मोठे आहे. त्यांचा पुतळा साहित्यरत्न अण्णाभाऊ साठे चौक या ठिकाणी आहे. हा पुतळा सुशोभीकरण करण्यास जागा अपुरी पडत आहे. साहित्यरत्न अण्णाभाऊ साठे यांचे विचार आज संपूर्ण जगात पोहचलेले आहेत. नुकताच रशियाची राजधानी मॉस्को येथे रुडमिनी मार्गरेटा फॉरन लॅग्वेज स्टडीज या संस्थेने पुतळा बांधून गौरव केला. सोलापूर शहरामध्ये साहित्यरत्न अण्णाभाऊ साठे यांचे अनुयायी मोठ्या प्रमाणात आहेत.
आंदोनल यशस्वी करण्यासाठी संपर्क प्रमुख रोहित खिलारे, शहर युवक अध्यक्ष मिथुन कांबळे, शहर विद्यार्थी अध्यक्ष सुमित बनसोडे, जिल्हा प्रवक्ता शहाजी कांबळे, शहर कार्याध्यक्ष सचिन आडसुळे, रोहन बनसोडे, रोहित कामने, बबलू देढे, अजय कांबळे, आकाश आनंदे, लखन रोडगे, राजेश रोडगे, अजय गायकवाड, अनिकेश देढे. आकाश मोरे, प्रेम कांबळे, राम कांबळे, दिपक बोमणे, बापू शिंदे व सोलापूर जिल्ह्याचे सर्व पदाधिकारी कार्यकर्ते मोठ्या संख्येने उपस्थित होते.
