मुंबई : राष्ट्रवादीचे आमदार रोहित पवार यांनी अधिवेशनात महाराष्ट्रात सुद्धा ड्रग्जप्रकरणी कारवाई झाली पाहिजे त्याबाबत गृह मंत्रालयाची भूमिका काय आहे असा प्रश्न उपस्थित केला यावेळी राज्याचे गृहमंत्री देवेंद्र फडणवीस यांनी माहिती दिली.
अँटीनार्कोटिक्स टास्कफोर्स (ANTF) राज्यात स्थापन करण्यात आला आहे. राज्यात बंद कारखान्यावर मोठ्या प्रमाणात कारवाई करतो आहोत. गुप्तचर माहितीची देवाणघेवाण प्रक्रियेला गती देण्यात आली आहे.
ललित पाटील प्रकरणात 4 पोलिस बडतर्फ करण्यात आले आहे.
ललित पाटीलला प्रथम अटक झाली, तेव्हा त्याची पोलिस कोठडीच घेतली नाही. त्यामुळे कृष्णप्रकाश यांनी एप्रिल 2021 मध्ये हायकोर्टात जाण्याची परवानगी राज्य सरकारकडे मागितली, पण तत्कालिन राज्य सरकारने ती दिलीच नाही. ललित हा उबाठा गटाचा शाखाप्रमुख होता. पण मी याला कधीच राजकीय रंग दिला नाही, कारण अशा प्रकरणात आरोपीवर कठोर कारवाई हे त्यापेक्षा अधिक महत्वाचे आहे.
व्यसनमुक्तीसाठी मोठी यंत्रणा उभारण्याचे काम सुद्धा सोबतच हाती घेण्यात येईल.
