सोलापूर जनता सहकारी मल्टीस्टेट शेड्युल बँकेची निवडणूक मोठ्या चुरशीची झाली या निवडणुकीत संघ पुरस्कृत परिवार पॅनल यांच्याविरोधात बँक बचाव परिवार पॅनल यांनी आव्हान दिले होते प्रचारही तसा जोमात झाला होता परिवार पॅनेलचे नेतृत्व माजी अध्यक्ष किशोर देशपांडे यांनी केले तर बँक बचाव परिवार पॅनेलचे नेतृत्व दामोदर दरगड रामभाऊ तडवळकर प्राध्यापिका मोहिनी पत्की यांनी केले होते बँक बचाव पॅनेलने सभासदांचा डिव्हीडंट यासह बँकेचा एनपीए वर प्रश्नचिन्ह उपस्थित करत प्रचाराचे मुद्दे सभासदां समोर मांडले मात्र परिवार पॅनल ने विरोधकांचे मुद्दे खोडून प्रचार केला होता रविवार 14 मार्च रोजी झालेल्या मतदानादिवशी 53 हजार 556 मतदारांपैकी 14 हजार 151 सभासदांनी मतदान केले केवळ 26 टक्के मतदान झाल्याने कोण बाजी मारणार याकडे सगळ्यांचे लक्ष लागले होते मात्र परिवार पॅनलने आपल्या विजयाचा दावा केला होता मंगळवारी निवडणूक निर्णय अधिकारी तथा जिल्हा उपनिबंधक कुंदन भुरे यांच्या नेतृत्वाखाली नूतन मराठी विद्यालय यामध्ये मतमोजणी झाली सकाळी पावणे नऊ वाजता सुरू झालेली मतमोजणी रात्री दोनच्या सुमारास संपली 59 मतदान केंद्र असल्याने 1 ते 15 असे चार मतमोजणी च्या फेऱ्या घेतल्या. एका फेरीसाठी सुमारे चार ते पाच तास मतमोजणीला वेळ लागला, त्यामुळे निकाल यायला उशीर लागला मात्र पहिल्या फेरीपासून सुमारे एक हजाराचे मताधिक्य परिवार पॅनलच्या सर्वच उमेदवारांनी घेतले होते ते मताधिक्य चारही फेऱ्यात कायम राहिले आणि या निवडणुकीत परिवार पॅनलने सर्वच्या सर्व 17 जागा सुमारे चार हजाराच्या फरकाने जिंकल्या आहेत निवडणूक निर्णय अधिकारी कुंदन भोळे यांनी अतिशय उत्तम रित्या ही निवडणूक हाताळली सोलापूर जिल्ह्यातील सहकारी क्षेत्रात सर्वात मोठी संस्था म्हणून नावाजलेल्या सोलापूर जनता बँकेची निवडणुकीला सोलापूर शहरासह जिल्ह्यात तसेच इतर जिल्ह्यात आणि कर्नाटकात मतदान केंद्र असतानाही केवळ सहकार विभागातच कर्मचारी या निवडणुकीला वापरले इतर कोणत्याही सरकारी विभागाच्या कर्मचाऱ्यांविना ही निवडणूक यशस्वीपणे पार पडली.
परिवार पॅनल व बँक बचाव पॅनल यांना पडलेली मते पुढीलप्रमाणे
संघ पुरस्कृत परिवार पॅनल
वरदराज बंग, 8109
ऍड. प्रदीपसिंह राजपूत, 8179
प्राचार्य गजानन धरणे, 8080
सी. ए. सुहास श्रीगोंदेकर, 8014
पुरुषोत्तम उडता, 8009
जगदीश भुतडा, 8391
सुनिल पेंडसे, 8113
सी.ए. गिरीश बोरगांवकर, 8113
आनंद कुलकर्णी, 8141
राजेश पवार,8054
मुकुंद कुलकर्णी (बार्शी), 8608
विनोद कुचेरीया (लातूर),8524
दत्तात्रय कुलकर्णी (उस्मानाबाद),8803
ऍड. मिलिंद कुलकर्णी (माळशिरस), 8758
महिला प्रवर्गातून
चंद्रिका चौहान 8254
डॉ. किरण पाठक 8211
अनुसूचित जाती प्रवर्गातून
रवींद्र साळे (पंढरपूर), 8241
बँक बचाव परिवार पॅनल
दामोदर दरगड 4366
भारत तांबोळकर 4217
नरहरी मुळे 4145
सुधांशु जोशी 4161
नरेश साखरे 4166
दत्तात्रय कुलकर्णी 4103
दयानंद मामद्याल 4234
बजरंग कुलकर्णी 4111
परमेश्वर शिरोळे 3890
विश्वनाथ निरंजन 4043
25 किलोमीटर बाहेरील
उद्धव सरकाळे 4292
रमेश गोसावी 4536
महादेव साळुंखे 4330
बालकिसन जाजू 4728
तर महिला प्रवर्गात
रोहिणी तडवळकर 4973
कविता बिराजदार 4810
अनुसूचित जाती प्रवर्गात
बाबुराव म्हेत्रे 4569
