सोलापूर शहर आणि जिल्ह्यामध्ये कोरोना रुग्णांची संख्या आता दिवसाला पाचशेहून अधिक वाढू लागली आहे त्यामुळे संसर्ग निश्चितच वाढत असल्याचं चित्र आहे एकीकडे लसीकरण सुरू असताना दुसरीकडे मात्र रुग्ण वाढत असल्याने चिंता व्यक्त केली जात आहे मात्र लसीकरणाची मोहीम अधिक तीव्र केली पाहिजे याच पार्श्वभूमीवर पंढरपूर-मंगळवेढा पोटनिवडणुकीची आचारसंहिता लागू झाली आहे त्यामुळे पालकमंत्री दत्तात्रय भरणे यांना मागच्या दोन बैठका रद्द कराव्या लागल्या परंतु निवडणूक आयोगाने काही नियम घालून पालकमंत्र्यांना कोरोना आढावा बैठकीला परवानगी दिली आहे त्यामुळे शनिवारी दुपारी दत्तामामा भरणे हे जिल्हा नियोजन भवनात बैठक घेणार आहेत त्यानंतर ते पत्रकारांशी संवाद साधतील दोन दिवसापूर्वी जिल्हाधिकारी मिलिंद शंभरकर व महापालिका आयुक्त पी शिवशंकर यांनी आदेश काढून कडक असे निर्बंध लागू केले शुक्रवारी महापालिका आयुक्तांनी शनिवारी बँका सुरू राहतील असा निर्णय घेतला शनिवार-रविवार पेट्रोल पंप सुरू राहतील हॉटेल बंद राहतील मात्र पार्सल सेवा सुरू राहील शहरातील यंत्रमाग विडी कारखाने शनिवार-रविवार सुरू राहतील अशी माहिती दिली परंतु ग्रामीण भागात याबाबत कोणते आदेश निघाले नाहीत सध्या पानटपरी, मटन विक्रेते, बेकरी , चहा कॅन्टीन भुसार दुकानवाले , सलूनवाले यांच्यासाठी शनिवार रविवारी कोणताही निर्णय झाला नाही , रुग्णांची वाढती संख्या पाहता सर्व मंदिरे मशीद यांच्यावर काही कडक निर्बंध लावता येतील का अन्यथा ते बंद करता येतील का अशी ही आता चर्चा सुरू झाली आहे सर्वात महत्त्वाचे म्हणजे पालकमंत्री दत्तामामा भरणे यांच्याकडून आज महत्वाचा निर्णय अपेक्षित आहे तो म्हणजे सध्या सोलापूर शहरांमध्ये जे कोरूनटाइन सेंटर सुरू करण्यात आले आहेत त्याठिकाणच्या नागरिकांना देण्यात येणार्या निकृष्ट जेवणाचा मुद्दा सध्या चव्हाट्यावर आहे म्हाडा तसेच सिंहगड सेंटरमध्ये शुक्रवारी नागरिक आक्रमक झाले पालिका कर्मचाऱ्यांना संतप्त नागरिकांनी मारहाण झाल्याची माहिती आहे महापालिका आयुक्त पी शिवशंकर यांना अजूनही या विषयी गांभीर्य दिसत नाही आयुक्त शिवशंकर आणि अतिरिक्त आयुक्त विजय खोराटे हे दोघेही कधी कार्यालय सोडून बाहेर पडत नाहीत त्यांच्या कामामध्ये गांभीर्य दिसून येत नाही, मागच्या वर्षी जेवणाचा ठेका हा हेरिटेज व प्रगती केटरस यांना दिला गेला होता, त्यावेळी 55 ते 60 रुपये दर होता आयुक्तांनी तो काढून दुसऱ्याला दिला आता तोच 40 ते 45 रुपये आहे मग चांगले जेवण कसे मिळणार? तेलाचे दर दुपटीने वाढले आहेत गॅस सिलेंडर दर वर्षात शंभर रुपये वाढले त्याचा विचार करता कोरोन्टाईन सेंटरमध्ये जेवणाचे दर ठरवले पाहिजेत . डीपीसी कडून महापालिकेला अजूनही कोव्हीडसाठी निधी दिला गेला नाही अशी माहिती आहे. महापालिका आयुक्त म्हणून कोविड काळात शिवशंकर यांची नियुक्ती झाली सुरुवातीला त्यांनी अतिशय उत्तम काम केले परिस्थिती सुधारली त्यांच्या कामाचे सोलापूरकरांनी कौतूक केले, परंतु नंतर आणि आताच्या कामाची पद्धत पाहता ‘नव्या नवरीचे नऊ दिवस’ अशी चर्चा होत असून आपल्या मर्जीतील अधिकाऱ्यांना काम न लावणे, काही अधिकाऱ्यांना जाणीवपूर्वक जादा काम देऊन त्रास देणे सुरू आहे. सध्या तरी त्यांचे काम ‘उंटावरून शेळ्या राखणे’ असेच झाल्याची टीका होत आहे.
