सोलापूर शहरात सध्या रेमडेसिविर इंजेक्शन गोंधळ सुरू आहे याच पार्श्वभूमीवर सोलापूर महानगरपालिकेच्या वतीने सुरू करण्यात आलेल्या कोरोन्टाईन सेंटर मधील ही काही गोष्टी बाहेर येत आहेत महापालिकेच्या वतीने सोलापूर शहरात सिंहगड इन्स्टिट्यूट, महिला पोलीस प्रशिक्षण केंद्र, शासकीय तंत्रनिकेतन, म्हाडा जुळे सोलापूर ही कोव्हीड रुग्णाच्या संपर्कात आलेल्या नातेवाईकांना त्याठिकाणी 10 दिवसांसाठी ठेवले जाते, पॉझिटिव्ह आलेले मात्र कोणतेही लक्षणे नसलेल्या रुग्णांना सिंहगड इन्स्टिट्यूट मध्ये महापालिका प्रशासन ठेवते, सिंहगड मध्ये ठेवण्यात आलेल्या रुग्णांना काही लक्षणे जाणवली तर त्यांच्यावर उपचार करण्यासाठी त्याच ठिकाणी औषधांची सुविधा ठेवणे महापालिकेची जबाबदारी आहे असे असतानाही महापालिका किती बेजबाबदारपणे वागत आहे याचा प्रत्यय गुरुवारी आला जुळे सोलापूर भागातील एक पॉझिटिव्ह रुग्ण सिंहगड इन्स्टिट्यूटमध्ये कोरूनटाइन होता त्याचा अचानक खोकला वाढल्याने त्या ठिकाणी असलेल्या वैद्यकीय अधिकारी यांनी खोकला थांबवण्यासाठी Dexa 30 ml हे इंजेक्शन लिहून दिले विशेष म्हणजे कोणतेही इंजेक्शन महानगरपालिकेकडे नसल्याची बाब समोर आली, संबंधित इंजेक्शन 6 ml ची किंमत साधारण दहा रुपये इतकी आहे , सिंहगड इन्स्टिट्यूट सोलापूर शहरापासून साधारण दहा किलोमीटर लांब आहे त्या रुग्णाचा कोणी नातेवाईक तेथे नसतो तो इंजेक्शन आणणार कसा शेवटी त्या व्यक्तीने एका मोठ्या दैनिकातील पत्रकाराला संपर्क केला त्या पत्रकाराने त्वरित याची दखल घेऊन हे इंजेक्शन सिंहगड मध्ये जाऊन दिले ते इंजेक्शन घेऊन जाताच इतर बारा लोकांनाही तेच इंजेक्शन हवे होते शेवटी नगरसेवक सुरेश पाटील यांच्याशी संपर्क साधून त्या पत्रकाराने इंजेक्शनचा पुरवठा केल्याची माहिती समोर आली आहे. त्या रुग्णाला जर हे इंजेक्शन वेळेवर दिले गेले नसते तर त्याला मोठ्या हॉस्पिटलमध्ये हलवावे लागले असते, सिंहगड इन्स्टिट्यूटमध्ये रुग्णांना अचानक कोणता जर त्रास होऊ लागला तर त्याच्यावर उपचार करण्यासाठी औषधे इंजेक्शने मुबलक साठा ठेवणे गरजेचे असताना महापालिकेकडे साधे दहा रुपयांच्या किमतीचे इंजेक्शन नाही ही गंभीर बाब असून महापालिका आयुक्त त्याला जबाबदार असल्याची माहिती मिळत आहे.
