पक्षीय जोडे बाजूला ठेवून काँग्रेसच्या सुरेश हसापुरे यांनी भाजप आमदार व मित्र समाधान आवताडे यांचे स्वागत केले.
पंढरपूर मंगळवेढा विधानसभा मतदार संघातून भारतीय जनता पार्टीचे समाधान आवताडे यांनी विजय मिळवला त्यानंतर अवताडे यांनी आपल्या मतदारसंघातील कोरोना परिस्थितीचा आढावा घेत प्रशासनाला विविध उपाययोजना सुचवत आहेत याच पार्श्वभूमीवर बुधवारी आमदार अवताडे हे सोलापूरला आले असता त्यांनी आपले मित्र काँग्रेसचे जिल्हा कार्यकारी अध्यक्ष सुरेश हसापुरे यांच्या निवासस्थानी भेट घेतली हसापुरे यांनी नुकतेच कोरणा आजारावर मात केली आहे, कोरोना आजाराच्या 14 दिवसानंतर ते बाहेर आले, आमदार झाल्यानंतर समाधान आवताडे हे त्यांच्या घरी गेले तेव्हा हसापुरे यांनी पक्षीय जोडे बाजूला ठेवून आपल्या भाजप आमदार मित्राचं मोठ्या मनाने स्वागत केले आमदार आवताडे यांचं हसापुरे यांच्या निवासस्थानी औक्षण करण्यात आलं त्यानंतर या दोन्ही मित्रांनी गळाभेट घेतली तेव्हा हसापुरे यांच्या डोळ्यात पाणी तरळले.
जिल्हा परिषदेचे अर्थ व बांधकाम सभापती विजयराज डोंगरे हे सुद्धा त्या ठिकाणी उपस्थित होते, यावेळी सुरेश हसापुरे मित्र मंडळातील जयशंकर पाटील, प्रकाश चव्हाण, नितेश जाधव, तात्या जाधव, श्रीकांत जाधव, श्रीदिप हसापुरे, यांनी यावेळी आमदार आवताडे यांचा सत्कार केला. सुरेश हसापुरे यांनी यापूर्वी विधान परिषदेत प्रशांत परिचारक यांना आमदार करण्यात, आमदार संजयमामा शिंदे यांना जिल्हा परिषद अध्यक्ष करण्यात, विजयराज डोंगरे यांना सभापती करण्यात, सिद्धाराम म्हेत्रे यांना डीसीसी संचालक करण्यात, बाजार समितीची सूत्रे जुळवण्यात, विजयकुमार देशमुख यांना सभापती करण्यात हसापुरे यांचा सिंहाचा वाटा आहे.
सुरेश हसापुरे आणि समाधान आवताडे यांची अनेक वर्षापासून ची मैत्री आहे, अनेक मित्र आमदार झाले मात्र आवताडे हे आमदार झाले पाहिजे अशी इच्छा हसापुरे यांची होती, ती शेवटी पूर्ण झाली, गळाभेटीनंतर हसापुरे यांना सर्वाधिक ‘समाधान’ झाल्याचं दिसत होतं, शेवटी त्यांच्या डोळ्यात अश्रू आले.
