महाराष्ट्र राज्य राजपत्रित वैद्यकीय अधिकारी गट संघटना सोलापूर शाखा अर्थात मॅग्मो संघटनेच्यवतीनें जिल्हा परिषदेचे मुख्य कार्यकारी अधिकारी दिलीप स्वामी यांना जिल्हा आरोग्य अधिकारी डॉक्टर शीतल जाधव यांच्या नेतृत्वाखाली निवेदन देण्यात आले .
यावेळी अध्यक्ष डॉक्टर नंदकुमार शिंदे, राज्य सचिव डॉक्टर एकनाथ बोधले, डॉक्टर संतोष जोगदंड, डॉक्टर अरुण पाथरूडकर, डॉक्टर शिवाजी थोरात, डॉक्टर विजय सरडे, डॉक्टर एस पी कुलकर्णी, डॉक्टर रणजीत रेपाळ यांची उपस्थिती होती.
कोरोना महामारी मध्ये आपल्या जीवाची पर्वा न करता रात्रंदिवस आरोग्य कर्मचारी काम करत आहेत. असे असताना सतरा मार्च 2019 रोजी करमाळा तालुक्यातील कोविड सेंटर येथे काही राजकीय व्यक्तीने अनाधिकृतपणे प्रवेश करून तेथील रुग्णांना वैद्यकीय अधिकारी व कर्मचारी यांना दमदाटी करून परस्पर घरी नेले होते, 8 एप्रिल 2021 रोजी करमाळा येथे दोन व्यक्तींनी तालुका आरोग्य अधिकारी यांना अर्वाच्य भाषेत शिवीगाळ केली होती, 21 मे रोजी माढा तालुक्यातील कव्हे येथे सर्वेक्षणासाठी गेलेल्या आशा स्वयंसेवीकेला गावातील समाजकंटकांकडून लाथाबुक्क्यांनी मारहाण करण्यात आली, त्याच बरोबर मागील दोन दिवसापूर्वी करमाळा पंचायत समिती सदस्य सावंत यांनी गटविकास अधिकारी यांच्या कार्यालयात एका वैद्यकीय अधिकार्याला लसीकरणाच्या केंद्रावरून अर्वाच्च भाषेत शिवीगाळ केली अशा घटना वारंवार घडत आहेत त्या पार्श्वभूमीवर बुधवारी मुख्य कार्यकारी अधिकारी दिलीप स्वामी आणि जिल्हाधिकारी मिलिंद शंभरकर यांना संघटनेने निवेदन दिले. या सर्व घटनांचा प्रशासनाने गांभीर्याने विचार करावा यासाठी 28 मे रोजी एक दिवसाचे काम बंद आंदोलन करण्यात येणार आहे हे आंदोलन करताना तातडीच्या वैद्यकीय सेवांवर कोणताही परिणाम होणार नाही याची दक्षता घेण्यात येणार आहे. जर सकारात्मक कारवाई न झाल्यास नाही इलाजास्तव 1 जून पासून तीव्र आंदोलन करण्याचा इशारा मॅग्मो संघटनेने दिला आहे.
