सोलापूर शहरात विविध ठिकाणी स्मार्ट सिटी या योजनेअंतर्गत रस्ते तसेच ड्रेनेज लाईन टाकण्याचे काम पाहायला मिळते, परंतु स्मार्ट सिटीची कामे अतिशय संथ आणि धीम्या गतीने सुरू असल्याचे चित्र आहे. खरे तर मागील दोन महिने शहरात लॉकडाऊन होता त्यावेळी हे काम करता आली असते मात्र संचारबंदी शिथिल झाल्यानंतर वर्दळ सुरू झाल्यानंतर हे काम केले जात आहेत, त्यामुळे नागरिकांना याचा प्रचंड त्रास होतो कामे संथ गतीने तर आहेतच मात्र अतिशय निकृष्ट आणि बोगस दर्जाची झाल्याचं अनेक वेळा दिसून आले आहे.
अनेक ठिकाणच्या काम सुरू असलेल्या रस्त्यांमध्ये मोठे ट्रक इतर वाहने फसल्याचं पाहायला मिळालं, मागील काही दिवसांपूर्वी तर महापालिकेच्या पाणीपुरवठा पाईपलाईन वरच ड्रेनेज चेंबर बांधत असल्याचा प्रकार उघड झाला होता. आता नवी वेस पोलीस चौकी पासून रेल्वे स्टेशन कडे जाणाऱ्या रस्त्यावर बजाज आहेरकर शोरूमचा समोर एक मोठा मालट्रक काम चालू आलेल असलेल्या रस्त्यामध्ये फसला.
Mh26 B E 2219 या क्रमांकाचा कोळसा घेऊन जाणारा ट्रक पहाटेच्या सुमारास या रस्त्यामध्ये अचानक फसला सुदैवाने तो पलटी झाला नाही आणि मोठी दुर्घटना टळली परंतु हा ट्रक काढण्यासाठी सकाळी अकरा वाजेपर्यंत महापालिकेचा कुणीही अधिकारी किंवा स्मार्ट सिटीचे कुणी अधिकारी संबंधित मक्तेदार हे आल्याचं पाहायला मिळालं नाही, यावरून स्मार्ट सिटी योजनेच्या कामात किती गोंधळ आहे याचा प्रत्यय पुन्हा एकदा सोलापूरकरांना पाहायला मिळाला.
