सोलापूर ! 2019 च्या लोकसभा निवडणुकीपूर्वी सोलापूर जिल्ह्यात बऱ्याच राजकीय घडामोडी पाहायला मिळाल्या, त्यामध्ये जिल्ह्याचे प्रमुख नेते विजयसिंह मोहिते-पाटील यांचे चिरंजीव रणजितसिंह मोहिते पाटील हे भारतीय जनता पार्टीत गेले त्यामुळे माळशिरस तालुक्यात राष्ट्रवादी मध्ये पोकळी निर्माण झाली होती. विधानसभा निवडणुकीपूर्वी राष्ट्रवादी काँग्रेसने माणिक वाघमोडे यांची राष्ट्रवादी काँग्रेस तालुका अध्यक्षपदी नियुक्ती केली तसेच तालुक्याची कार्यकारणी सुद्धा नियुक्त करण्यात आली दरम्यान 2019 च्या विधानसभा निवडणुकीत राष्ट्रवादी काँग्रेसकडून उत्तम जानकर यांनी निवडणूक लढवली मात्र काहीशा मतांनी त्यांचा पराभव झाला त्यानंतर उत्तमराव जानकर यांनी तालुक्याची राष्ट्रवादी काँग्रेस आपल्या नियंत्रणाखाली असावी अशी अपेक्षा पक्षश्रेष्ठींनी समोर व्यक्त केली, दुसरीकडे शंकरराव देशमुख यांचा व उत्तमराव जानकर असे दोन गट माळशिरस तालुक्यात तयार झाले. दरम्यान प्रदेशवर असणारे शंकरराव देशमुख यांनी परस्पर माळशिरस तालुक्यातील तालुका कार्यकारिणी जाहीर केली. माणिक वाघमोडे यांना पुन्हा तालुका अध्यक्ष केले ही तक्रार उत्तमराव जानकर गटाने पक्षश्रेष्ठींकडे केली आहे या तक्रारीची दखल घेण्यात आली. प्रदेशचे सरचिटणीस शिवाजीराव गर्जे यांनी सोलापूर जिल्हा अध्यक्ष बळीराम काका साठे यांना सांगून माळशिरस तालुक्याची कार्यकारणी तातडीने बरखास्त करण्याच्या सूचना केल्या. त्यानुसार जिल्हाध्यक्ष काका साठे यांनी माळशिरस तालुका कार्यकारणी बरखास्त करीत असल्याचे पत्र काढले असून ते प्रसिद्धीसाठी दिले आहे. दरम्यान सोलापूर जिल्ह्यात व माळशिरस तालुक्याच्या राजकारणावरून होत असलेली गोची जिल्हाअध्यक्ष काका साठे यांच्या चेहऱ्यावर दिसून आली. आपल्या बोलण्यात प्रामाणिकपणाची झालर असते,आपण काय थापाड्या मारणारा कार्यकर्ता आहे का? असा सवाल ही त्यांनी उपस्थित केला. आपण केवळ नावालाच अध्यक्ष झालो अस वाटू लागलंय असे ही ते नाराजपणे बोलून गेले.
