बाजार समितीचे तत्कालीन उपसभापती सुरेश सिद्रमप्पा हसापुरे रा. १६ स्वामी विवेकानंद नगर, विजापुर रोड, सोलापुर यांची बाजार समिती शितगृह जळीत प्रकरणी मुख्य न्यायदंडाधिकारी एस. एम. कनकदंडे यांनी निर्दोष मुक्तता करण्याचा आदेश पारीत केला.
यात हकीकत की, दि. ०६/०८/२००७ रोजी सोलापुर येथील कृषी उत्पन्न बाजार समिती येथील शितगृहारा आग लागली होती, त्याघटनेमध्ये बरेच नुकसान झाले होते. त्या घटनेच्या अनुषंगाने फैक्टरी कायद्यान्वये खटला दाखल केला होता. त्यामध्ये असा आरोप होता की, सदर ठिकाणी मिरची, हळद इ. वस्तु शितगृहात साठविण्यात आल्या होत्या, सदर ठिकाणी उत्पादन प्रक्रिया चालु होती. सदर ठिकाणी फॅक्टरी अॅक्ट च्या नियमांचे उल्लंघन करण्यात आलेले होते, कारखान्याच्या ठिकाणी सुरक्षिततेच्या दृष्टीने कोणतेही उपाय करण्यात आलेले नव्हते.
शितगृह व उत्पादन प्रक्रिया बाबत कारखाना सुरु करण्याकरिता परवाना घेतला नव्हता, निष्काळजीपणामुळे व नियमांचे उल्लंघन केल्याने सदर शितगृहास आग लागली. त्यामुळे मोठे नुकसान झाले. त्यावेळी सुरेश हसापुरे हे कृषी उत्पन्न बाजार समितीचे उपसभापती असल्याने ते सदर घटनेस कारणीभूत आहेत, कृषी उत्पन्न बाजार समितीने शितगृहाकरीता रितसर परवाना घेतला नाही, या करीता एक खटला व फॅक्टरी अॅक्ट च्या कलमाअंतर्गत योग्य ते सुरक्षितता पध्दती अवलंबली नाही म्हणून एक असे दोन फौजदारी खटले सोलापूर इंडस्ट्रियल सेफ्टी अॅन्ड हेल्थचे उपसंचालक आर. पी. कडकमकर यांनी न्यायालयात दाखल केले होते. तदनंतर सुरेश हसापुरे यांनी अॅड. शशी कुलकर्णी यांचे मार्फत न्यायालयात हजर झाले.
सदर प्रकरणात फिर्यादीने दोन महत्त्वाचे साक्षीदार तपासले. सदर प्रकरणात अँड. शशी कुलकर्णी, अॅड. प्रशांत नवगिरे यांनी फिर्यादी व साक्षीदार यांचा उलट तपास घेवुन न्यायालयाच्या निदर्शनास आणून दिले की, “सुरेश हसापुरे हे त्यावेळी उपसभापती होते परंतु कृषी उत्पन्न बाजार समिती स्थित असलेला शितगृहाची कोणतीही जबाबदारी त्यांच्यावर नव्हती, कृषी उत्पन्न बाजार समिती ही फार पूर्वी स्थापन झाली होती, परवाना काढण्याची जबाबदारी ही त्यावेळीच्या तत्कालीन व्यवस्थापनाची होती, तसेच सदर ठिकाणी कारखाना चालु होता, उत्पादन प्रक्रिया चालु होती, याबाबत कोणताही कागदोपत्री पुरावा फिर्यादीने सादर केला नाही आरोपींतर्फे साक्षीदाराचा झालेला उलटतपास व युक्तीवाद विचारात घेवुन न्यायालयाने पुराव्या अभावी सुरेश हसापुरे यांची दोन्हीही खटल्यातुन निर्दोष मुक्तता केली..
सदर प्रकरणात तत्कालीन उपसभापती सुरेश हसापुरे यांचेतर्फे अॅड. श कुलकर्णी, अँड. प्रशांत नवगिरे, अँड. देवदत्त बोरगांवकर यांनी काम पाहिले.
