सुधीर खरटमल…..,काँग्रेस मधील कार्यकर्त्यांचे ‘बॉस’. बॉस ही पदवी स्वतः नाही तर त्यांना कार्यकर्त्यांनी दिलीय, केवळ काँग्रेस पक्षच नाही तर राष्ट्रवादी काँग्रेस, एमआयएम, शिवसेना, भाजप या पक्षातील कार्यकर्तेसह अनेक समाजातील युवक त्यांना बॉस म्हणतात. 2017 साली सुधीर खरटमल यांनी पक्षातील अंतर्गत वादाला कंटाळून शहराध्यक्ष पदाचा राजीनामा दिला होता तेव्हापासून त्यांनी काँग्रेस भवनात पाय ठेवला नाही आमदार प्रणिती शिंदे यांच्या सोबत त्यांचे मतभेद होते अशी चर्चा ऐकण्यास मिळते मात्र आता सुधीर खरटमल हे सर्व वाद नाराजी विसरुन काँग्रेस पक्षामध्ये पुन्हा सक्रिय झाले आहेत.
आपला बॉस सक्रिय झाल्याने कार्यकर्त्यांमध्ये नवचैतन्य पाहायला मिळू लागल आहे, आगामी महानगरपालिकेच्या निवडणुकीच्या पार्श्वभूमीवर काँग्रेस पक्षाने यंदा महापालिकेवर तिरंगा फडकवण्याचा निर्धार केला आहे यामुळे आमदार तथा प्रदेशच्या कार्याध्यक्षा प्रणिती शिंदे यांनी काँग्रेस पक्षाची विस्कटलेली घडी बसवण्याचा प्रयत्न सुरू केला आहे. सर्वच समाजामध्ये जाऊन त्यांनी पक्षाचे संघटन बांधणी मजबूत करण्यास सुरुवात केली आहे. एकूणच या सर्व पार्श्वभूमीवर शुक्रवारी हॉटेल लोटस याठिकाणी महापालिका निवडणुकीच्या अनुषंगाने तयारी बैठक पार पडली या बैठकीला आमदार प्रणिती शिंदे, शहराचे अध्यक्ष प्रकाश वाले, माजी शहराध्यक्ष सुधीर खरटमल, महापालिकेतील जेष्ठ नेते यु एन बेरिया, कार्याध्यक्ष संजय हेमगड्डी, कार्याध्यक्ष मनोज यलगुलवार, गटनेते चेतन नरोटे यांच्यासह पक्षाचे नगरसेवक विविध पदाधिकारी ब्लॉक अध्यक्ष विविध सेल आणि विभागाचे अध्यक्ष यांची उपस्थिती होती.
काँग्रेसचे जेष्ठ नेते सुधीर खरटमल यांनी आपल्या भाषणात उपस्थित पदाधिकारी आणि कार्यकर्त्यांमध्ये नवचैतन्य आणले. मी सुशीलकुमार शिंदे आणि काँग्रेसचा सच्चा चाहता आहे आणि सच्चा चाहता दुसरीकडे कुठेही जात नाही. मी नेहमी कार्यकर्त्यांच्या संपर्कात असतो त्यांचा कार्यक्रमालाही जात असतो, मी कार्यकर्त्याला कधीही दूर जाऊ दिले नाही. कार्यकर्त्यांमुळे पक्षाची ताकद वाढते. नेत्यांनीही कार्यकर्त्यांना ताकद दिली पाहिजे. मला कुठल्याही राजकीय पदाची हौस नाही, शिंदे साहेबांचा चाहता म्हणून आमदार प्रणिती जे सांगतील ती जबाबदारी मी फार पाडायला तयार आहे. मी संघटना बळकटीसाठी काम करायला तयार आहे सध्या सोलापूर महापालिकेत भाजपचा भोंगळ कारभार चालू आहे ते लोकांना पाणी देऊ शकत नाहीत. जिथे जिथे गरज आहे तिथे मदत करायला तयार आहे म्हणून येणाऱ्या महापालिका निवडणुकीसाठी कार्यकर्त्यांनी कामाला लागावे महापालिका निवडणुकीत कॉंग्रेस पक्षाच्या उमेदवारांना निवडून आणण्यासाठी हर तऱ्हेने प्रयत्न करून महापालिकेवर तिरंगा फडकविण्याचा निर्धार त्यांनी केला.
