सोलापूर शहरात करावयाच्या उड्डाणपूल(फ्लायओवर) व समांतर जलवाहिनी घालण्याच्या कामांमध्ये आलेल्या अडचणी सोडवणे संदर्भात शनिवारी प्रियदर्शनी महापौर निवास येथे बैठक आयोजित करण्यात आली होती. या बैठकीस आमदार विजयकुमार देशमुख, महापौर श्रीकांचना यन्नम, सभागृहनेते शिवानंद पाटील, महापालिका आयुक्त पि.शिवशंकर, शहराध्यक्ष विक्रम देशमुख तसेच भारतीय राष्ट्रीय राजमार्ग प्राधिकरणचे प्रकल्प संचालक संजय कदम यावेळी उपस्थित होते.
या बैठकीमध्ये सोलापूर शहरातील उड्डाणपूल(फ्लायओवर) व उजनी ते सोलापूर समांतर जलवाहिनी या कामांमध्ये येणाऱ्या अडचणी संबंधी सविस्तर चर्चा करण्यात आली. सध्या सोलापूर शहरात दोन उड्डाणपूल प्रस्तावित असून या उड्डाणपूलमध्ये सायकल ट्रॅक व फुटपाथ सह उड्डाणपूल करण्याचे नियोजन होते. मात्र या भूसंपादनासाठी अडचणी निर्माण होत असल्याने उड्डाणपूलाचे काम चालू करता आले नाही.त्याकरिता आजला फुटपाथ व सायकल ट्रॅक वगळून काम चालू करण्यात यावे. तसेच स्मार्ट सिटी योजनेअंतर्गत उजनी ते सोलापूर समांतर जलवाहिनीचे काम चालू आहे,
खाजगी शेतकऱ्यांच्या जागेतून ती पाईपलाईन प्रस्तावित होती. खाजगी शेतकऱ्यांच्या जागेतील पिक नुकसान भरपाईची रक्कम मोठ्या प्रमाणावर असल्याने व काही शेतकऱ्यांचा विरोध होत आहे, समांतर जलवाहिनीचे काम थांबलेले आहे परंतु शहराच्या दृष्टीने समांतर जलवाहिनीचे काम तातडीने पूर्ण करणे आवश्यक आहे. त्याकरिता नॅशनल हायवेच्या R. O. W.च्या जागेतून सर्विस रोडच्या कडेने ही समांतर जलवाहिनी टाकण्यात यावी.त्यानुसार नॅशनल हायवेनी जागा उपलब्ध करून द्यावी.असा निर्णय झाला.
दरम्यान या बैठकीचे फोटो व माहिती प्रसिद्ध होताच काँग्रेस राष्ट्रवादी आणि शिवसेनेच्या कार्यकर्त्यांनी या बैठकीवर टीका केली पाच वर्ष भारतीय जनता पार्टी सोलापूर महानगरपालिकेत सत्तेवर आहेत आता सहा महिन्यात महापालिकेच्या निवडणुका होणार असल्याने समांतर जलवाहिनी आणि उड्डाणपुलाचा विषय आत्ताच सुचला का पाच वर्ष झोपले होते का असा प्रश्न सोशल मीडियाच्या माध्यमातून उपस्थित केला आहे.
