सोलापूर जिल्हा परिषदेत ऑनलाइन सभेपुर्वीच एक दिवस अगोदर बैठक घेऊन बरेच विषय मंजूर करण्यात आले, बैठक ही साडे अकराला सुरू झाली ती अडीच ते तीन तास सुरू होती, दोन महिला सभापती वगळता अध्यक्ष, उपाध्यक्ष, इतर सभापती उपस्थित होते, सीईओ, अतिरिक्त सीईओ, उप मुख्य कार्यकारी अधिकारी, मुख्य वित्त व लेखा अधिकारी, हे डायस वर उपस्थित होते, समोर सदस्य, पंचायत समिती सभापती सर्व विभागाचे अधिकारी उपस्थित होते,
नावाला बैठक होती, सर्व विषय याठिकाणी नकळतपणे मंजूर केले जात होते, आरोपीच्या पिंजऱ्यात सर्वांनी ठरवल्याप्रमाणे आरोग्य विभाग होता, डॉक्टर शीतल जाधव टार्गेट होते, सभेच्या पूर्वीच आरोग्य विभागाला टार्गेट करण्याचे नियोजन काही ठराविक कलाकारांनी केले होते, तसा मॅसेज डीएनओ पर्यंत गेला होता अशी चर्चा ऐकण्यास मिळाली, बुधवारच्या बैठकीत पहिल्या सत्रात अक्कलकोट, दक्षिण, उत्तर, मंगळवेढा, सांगोला, पंढरपूर, हे तालुके होते,
मात्र यावेळी बार्शीचे मदन दराडे, रेखा राऊत, माळशिरसच्या ज्योती पाटील यांना सभेला बसण्याचा मोह आवरता आला नाही, भारत शिंदे, सुभाष माने सर, वसंतराव देशमुख, हे या बैठकीने खुश दिसले.त्यांना जे अपेक्षित आहे ते झाल्याचा आनंद’ तानवडे व दराडे यांच्या ही चेहऱ्यावर दिसला, अध्यक्ष अनिरुद्ध कांबळे यांनी पत्रकारांना बाहेर पाठवले, बैठकीला बसू दिले गेले नाही, बंद दरवाजा आड बैठक झाली,
अध्यक्ष आणि प्रशासनाने आपली फजिती टाळण्यासाठी ही बैठक घेतल्याचा आरोप एका ज्येष्ठ सदस्याने केला, याचवेळी सभागृहात बैठक सुरू असताना आपल्या केबिनमध्ये विरोधी पक्षनेते काका साठे बसले होते, त्यांना पत्रकारांनी विचारले असता जाणार नाही, ही बोगस बैठक आहे, अशा वर माझा विश्वास नाही असे सांगून आपला बैठकीवरचा बहिष्कार जाहीर केला.
