सोलापूर जिल्हा परिषदेचे मुख्य कार्यकारी अधिकारी दिलीप स्वामी हे अधिकारी नवनव्या संकल्पना, उपक्रम राबविण्यात माहीर आहेत. काय न करण्यापेक्षा काय तर करत राहील तर निश्चितच त्यांचे कामावर व कर्मचाऱ्यांवर चांगले परिणाम होतात, असे स्वामी म्हणतात. त्यांच्या अनेक संकल्पना सरकारने राज्य स्तरावर राबवण्याचा निर्णय घेतला आहे. त्यांच्या एक पद, एक वृक्ष हा उपक्रम तर चळवळ बनला आहे .
आता त्यांनी आणखी एक नवा उपक्रम सुरू करण्याची भूमिका बोलून दाखवली, काही दिवसांपूर्वी स्वागताला बुके ऐवजी बचत गटाने तयार केलेल्या वस्तू देण्याचे आवाहन केले होते. त्यांची बऱ्याच ठिकाणी अंमलबजावणी सुरू झाली. सोलापूर जिल्हा परिषदेत 16 विभाग आहेत, त्याचे विभाग प्रमुख, मुख्य कार्यकारी अधिकारी, अतिरिक्त मुख्य कार्यकारी अधिकारी, अध्यक्ष, उपाध्यक्ष इतर पदाधिकारी असे अनेक जण आहेत,
त्यांचा वाढदिवस असेल, इतर कारणांमुळे सत्कार असेल, अधिकाऱ्यांना पहिल्यांदा भेटायला येणारे अनेक नेते व नागरिक असतात ते बुके शाल फेटे घेऊन येतात. मात्र आता यापुढे सोलापूर जिल्हा परिषदेमध्ये येणाऱ्या प्रत्येक अभ्यागताने आपणाला जमेल त्या पद्धतीने वह्या आणाव्यात असे आवाहन मुख्य कार्यकारी अधिकारी दिलीप स्वामी यांनी केले आहे.
सोलापूर जिल्हा परिषदेच्या अंतर्गत सुमारे तीन हजारापर्यंत शाळा आहेत त्या शाळेतील गरीब विद्यार्थ्यांना या वह्या दिल्या जातील असा उद्देश त्यांचा आहे. जिल्हा परिषदे मधील प्रत्येक अधिकाऱ्यांनी यापुढे सत्कार स्वीकारताना हार, बुके, फेटे शाल स्वीकारू नये, वह्या आणण्यासाठी आवाहन करावे अशी अपेक्षा व्यक्त केली.
