सोलापूर शहरातील भारतीय जनता पार्टीच्या नगरसेवकांमध्ये सुरेश पाटील हे सर्वात ज्येष्ठ नगरसेवक म्हणून ओळखले जातात. अण्णा हे महापालिकेत अभ्यासू आहेत, आक्रमक आहेत कार्यकर्त्यांची कामे असतील, नागरिकांचे प्रश्न असतील ते सोडवण्याची त्यांचा हातखंडा आहे.
अनेक वर्षाच्या प्रतीक्षेनंतर अखेर सोलापूर महापालिकेत भारतीय जनता पार्टीचे सत्ता आली त्यामुळे अनेकांना महापौरपदाची स्वप्ने पडली परंतु दुर्दैव महापौरपद हे महिलेसाठी आरक्षित झाले. शेवटी सभागृहनेता म्हणून सुरेश अण्णा यांना पहिल्यांदा संधी देण्यात आली. त्यांनी आपल्या पदाला साजेसे असे काम करून दाखवले मात्र नंतर पक्षांतर्गत कुरघोड्या व राजकारणाचा फटका सुरेश पाटलांना बसला. त्यांच्यावर विषप्रयोग झाला मात्र सुदैवाने ते बरे झाले पण त्या घटनेत त्यांचे दोन पाय सध्या काम करत नाहीत असे असतानाही त्यांची व्हील पॉवर स्ट्रॉंग आहे, अशा परिस्थितीत सुद्धा ते आपल्या प्रभागासाठी भांडतात, महापालिकेच्या प्रत्येक सभा कार्यक्रमाला हजेरी लावतात, अनेक कार्यक्रम घेतात मात्र त्यांना चालताना आणि उभे राहताना दोन खांद्यांची गरज कायम असते.
मागील काही महिन्यात सुरेश पाटलांनी आपल्याच भाजपच्या विरोधात बंड केल्याचं दिसलं, पक्षविरोधी कारवाया ते करत असल्याचं अनेकांच्या लक्षात आलं त्यावेळी सभागृहनेते श्रीनिवास करली होते त्यामुळे करली आणि सुरेश अण्णांचे बऱ्याच वेळा खटके उडायचे, एका वेळी तर अण्णांकडून करली यांच्यावर हात उचलला गेल्याची चर्चा होती, ती सल करली यांना होती, तू पक्ष विरोधी आणि महापौर विरोधी भूमिका घेतल्याने एका सर्वसाधारण सभेत महापौर श्रीकांचना यन्नम यांनी सुरेश पाटलाला थेट निलंबित केले
या कारवाईमुळे सर्वाधिक आनंद झाला तो श्रीनिवास करली यांना. त्यांनी आनंदाच्या भारत महापालिकेत पेढे वाटले होते, त्यानंतर सुरेश पाटलांचे खच्चिकरण झाल्याची चर्चा होती पण काही दिवसांपूर्वी आमदार विजयकुमार देशमुख आणि सुरेश पाटील एकत्र आले, त्यानंतर मंगळवारी मोदी सरकारच्या स्मार्ट सिटी या योजनेच्या कामाच्या विरोधात भाजपच्या पदाधिकारी आणि नगरसेवकांनी ठिय्या आंदोलन केले या आंदोलनादरम्यान एक असं चित्र पाहायला मिळालं की कुणालाही ते अपेक्षित नव्हतं. जे श्रीनिवास करली सुरेश पाटलावर अत्यंत नाराज होते त्यांच करली यांनी सुरेश पाटलांच्या हाताला खांदा दिला, आणि दुसऱ्या हाताला आधार डॉ किरण देशमुखांनी दिला हे विशेषच म्हणावं लागेल ,यावरून राजकारणात कोण कोणाचा मित्र किंवा शत्रू नसतो हे पुन्हा एकदा सिद्ध झाले.
