राजीव गांधी खेल रत्न पुरस्काराचे नाव बदलण्याचा मोठा निर्णय मोदी सरकारने घेतला आहे. आता या पुरस्काराला हॉकीचा जादुगार समजल्या जाणाऱ्या आणि देशाला हॉकीमध्ये नावलौकिक मिळवून दिलेल्या मेजर ध्यानचंद यांचे नाव देण्यात आले आहे. पंतप्रधान नरेंद्र मोदी यांनी ट्वीटरवरून याची माहिती दिली आहे. भारताच्या पुरुष संघाने नुकतंच ऑलिम्पिकमध्ये ब्राँझ मेडल पटकावलं आहे. त्यातच मोदी सरकारने घेतलेल्या या निर्णयामुळे देशभरातील क्रीडा प्रेमींनी आनंद व्यक्त केला आहे.
पंतप्रधान नरेंद्र मोदी म्हणाले की, खेलरत्न पुरस्काराचे नाव बदलून या पुरस्काराचे नाव मेजर ध्यानचंद खेलरत्न पुरस्कार ठेवण्यात यावे यासाठी मला संपुर्ण भातातील नागकांकडून अनेक विनंत्या आल्या आहेत. त्यांच्या भावनांचा आदर करत खेलरत्न पुरस्काराला आता मेजर ध्यानचंद खेलरत्न पुरस्कार म्हणले जाणार आहेत. या सर्वोच्च क्रीडा पुरस्काराला काँग्रेसचे दिवंगत नेते माजी पंतप्रधान राजीव गांधी यांचे नाव होते आता भाजप सरकारने नाव बदलल्याने काँग्रेस ची अजून तरी कोणती प्रतिक्रिया आली नाही.
