विशाल पाटील वय 37, राहणार संजय नगर, कुमठा नाका, सोलापूर असे अपहरण झालेल्या तरुणाचे नाव आहे. त्याची पत्नी पूजा विशाल पाटील यांनी सदर बझार पोलीस ठाण्यात गुरुवारी फिर्याद दिली आहे, विशाल हे नटराज डान्स ऑर्केस्टा येथे डान्स शिकवण्याचे काम करतात,विशाल हे बुधवारी सकाळच्या सुमारास बाहेर जाऊन येतो म्हणून गेले ते परत आलेच नाहीत,
मोबाईल स्विच ऑफ होता, रात्री सासू घरी आल्या, आपल्या विशालला सिव्हिल हॉस्पिटल मधून कुणीतरी पकडून नेले आहे आणि पैशाची मागणी करत आहेत, रात्री एका दुसऱ्या मोबाईल नंबर हून फोन आला, त्यामधून विशाल बोलले मला पकडून नेले आहे आणि 30 हजाराची मागणी करत आहेत द्यावे लागतील, नाही तर मारून टाकतील मला तू पैशाची जुळवाजुळव कर म्हणून त्यांनी फोन बंद केला.
गुरुवारी दुसऱ्या दिवशी सकाळी सातच्या सुमारास पुन्हा त्याच मोबाईल नंबर वरून फोन आला त्यावेळी विशाल यांनी पैशाची जमवाजमव झाली का असे विचारले त्यानंतर त्यांनी दुसऱ्या एका व्यक्तीला फोन दिला त्या व्यक्तीने हिंदीमध्ये बोलून तुम पैसे जल्दी दो नही तो तुम्हारे मरद को खल्लास करुंगा असे म्हणाला व लगेच फोन कट केला.
त्यानंतर घाबरलेल्या त्या पत्नीने सदर बजार पोलिस ठाण्यात आपल्या पतीचे अपहरण झाल्याची फिर्याद दिली आहे. याप्रकरणी भारतीय दंड संहिता 345, 346, 347, 364 अ, 365, 387 अन्वये गुन्हा दाखल करण्यात आला आहे.



















