विशाल यलप्पा गायकवाड वय २५ वर्षे, राहणार सेटलमेंट फ्रि-कॉलनी नं-४, सोलापूर व महादेव शंकर चव्हाण, वय २९ वर्षे, व्यवसाय बांधकाम व्यवसायीक रा. स्वामी विवेकानंद नगर, सैफुल, सोलापूर, या दोघांना गुन्हे शाखेच्या पोलिसांनी अटक केली आहे. 20 ऑगस्ट रोजी पहाटे 2 च्या सुमारास ही कारवाई झाली.
मोहरम राणा निमीत्त आयुक्तालय हद्दीतमध्ये पहाटे ०२.०० वा सुमारास गुन्हेशाखेचे वरिष्ठ पोलीस निरीक्षक संजय साळुंखे, राहाय्यक पोलीस निरीक्षक सचिन बंडगर व त्यांचे पथकातील अंमलदार असे सोलापूर शहरात मालाविषयक गुन्हयातील आरोपींचा शोध घेण्यासाठी, तसेच अवैध धंदे व अवैध शस्त्रे यावर कारवाई करणेकामी, वरीष्ठाचे आदेशन्वये पेट्रोलींग करीत होते, सपोनि सचिन बंडगर यांना गोपनिय बातमीदाराकडून खात्रीशीर बातमी मिळाली की विशाल यलप्पा गायकवाड व त्याचा मित्र महादेव शंकर चव्हाण यांचेकडे देशी बनावटीचे गावठी पिस्तुल आहे व ते पिस्तुल घेवुन ते रेल्वे स्टेशन जवळील काडादी चाळी समोरील रेल्वे सिनियर सेक्शन कार्यालया समोर येणार आहेत.
या बातमीची खात्री झाल्यावर सापळा लावण्यात आला सहाय्यक फौजदार आखाडे यांचेकरवी दोन पंचांना बोलावून घेवुन पोलीस स्टाफसह सातरस्ता ते रेल्वे स्टेशन जाणारे रोडवरील काडादी चाळी समोरील सिनियर सेक्शन (पुल) इंजिनिअर कार्यालय, येथील सय्यद गॅरेज बोर्डचे रोडलगतच्या फुटपाथचे आसपास सापळा लावुन विशाल यलप्पा गायकवाड, व महादेव शंकर चव्हाण, हे ठरलेल्या ठिकाणी आले त्यावेळी सहाय्यक फौजदार सुहास आखाडे यांनी बोलावून आणलेले दोन पंचासमक्ष या दोघांना सपोनि सचिन बंडगर व पथकातील अंमलदार यांनी गराडा घालुन पकडले ती वेळ ०२.२०वा होती.
पंचासमक्ष त्या दोघाना येथे येण्याचे कारणाबाबत विचारणा केली असता ते उडवा-उडवीचे उत्तरे देवू लागल्याने सोबतच्या स्टाफच्या मदतीने पंचांसमक्ष त्याची झडती घेतली असता विशाल यलप्पा गायकवाड याचे बरमोडा पॅन्टचे डावे बाजूस कंबरे जवळ एक देशी पिस्टल खोवलेल्या (लपवून ठेवलेल्या अवस्थेत) मिळून आले. तसेच त्याचे बरमोडाच्या डावे खिशात प्लॅस्टीक कॅरीबॅग मध्ये ०१ जिवंत काडतूस मिळून आले. त्यांना शस्त्राचे परवान्याबाबत विचारणा केली. परंतु त्यांनी परवाना नसल्याचे सांगितले.
त्यामुळे शस्त्र हे त्यांनी बेकायदेशीर रित्या जवळ बाळगले असल्याची आमची खात्री झाल्याने एक देशी बनावटी गावठी पिस्तुल व ०१ जिवंत काडतुस व दोन मोबाईल अशा वस्तू एकूण रक्कम रु. ६०,०००/ किंमतीचा मुद्देमाल हस्तगत करुन सविस्तर पंचनाम्याने जप्त करण्यात आला आहे.
या कारवाईत पोलीस अंमलदार निलेश शिरूर, राजू मुदगल, विजय वाळके, प्रविण मोरे, संतोष येळे, अभिजीत धायगुडे, प्रथमेश काळेल, लक्ष्मण वरोकर, चापोना. संजय काकडे यांचा समावेश आहे.
