जिल्हाधिकारी मिलिंद शंभरकर यांनी शनिवारी नवे आदेश काढून ग्रामीण भागातील माळशिरस माढा सांगोला पंढरपूर करमाळा या पाच संचारबंदी असलेल्या तालुक्यात काहीसे बदल केले आहेत ते खालील प्रमाणे आहेत…
सार्वजनिक आरोग्य विभाग, मंत्रालय, मुंबई यांचेकडील पत्र दि. १४ मार्च, २०२० अन्वये कोरोना विषाणू (कोव्हीड- १९) चा प्रादुर्भाव रोखण्यासाठी राज्यात साथ रोग प्रतिबंधात्मक कायदा, १८९७ मधील तरतुदींच्या अंमलबजावणीसाठी अधिसुचना निर्गमीत करणेत आलेली आहे आणि त्याबाबतची नियमावली प्रसिद्ध केली असून जिल्हाधिकारी हे त्यांचे कार्यक्षेत्रात कोव्हीड-१९ वर नियंत्रण आणण्यासाठी व त्याचा प्रादुर्भाव रोखण्यासाठी ज्या उपाय योजना करणे आवश्यक आहे त्या करण्यासाठी सक्षम प्राधिकारी म्हणून घोषित करण्यात आलेले आहे.
ज्याअर्थी, शासनाकडील वाचा क्र. ५ व ६ मधील आदेशान्वये राज्यात कोव्हीड- १९ संसर्गाच्या अनुषंगाने ब्रेक
“दि चेन अंतर्गत शासनाने सुधारित आदेश पारित केलेले आहेत.
ज्याअर्थी, सोलापूर जिल्ह्यातील कोव्हीड-१९ बाधीत रुग्णांचा पॉझिटीव्हीटी रेट व ऑक्सिजन बेडस् (The Occupancy of total Oxygen Beds) व्यापलेली संख्या याचे अवलोकन करुन सोलापूर जिल्ह्यात शासनाकडीन दिनांक १४/८/२०२१ च्या आदेशान्वये माढा, माळशिरस, करमाळा, सांगोला व पंढरपूर ही तालुके वगळता निर्बंध शिथिल करण्यात आलेले आहेत.
त्याअर्थी, मी मिलिद शंभरकर जिल्हादंडाधिकारी, सोलापूर, फौजदारी प्रक्रिया संहिता १९७३ चे कलम १४४ (१) (३) अन्वये मला प्राप्त झालेल्या अधिकारानुसार कोरोना (कोव्हीड-१९) विषाणुचा प्रादुर्भाव रोखण्यासाठी सोलापूर जिल्ह्यात पोलीस आयुक्तालय सोलापूर ची हद्द वगळून) मोहोळ, बार्शी, अक्कलकोट, मंगळवेढा, दक्षिण सोलापूर, उत्तर सोलापूर या तालुक्यांमध्ये दि. १४.०८.२०२१ व दि. १७.०८.२०२१ रोजीचे आदेश लागू राहतील. तसेच माढा, माळशिरस, करमाळा, सांगोला व पंढरपूर या ग्रामीण क्षेत्रातील कोव्हीड- १९ बाधीत रुग्णांची संख्या विचारात घेता याठिकाणी दिनांक २३.०८.२०२१ रोजी सकाळी ७.०० वा. पासून पुढील आदेश होईपर्यंत खालीलप्रमाणे प्रतिबंधात्मक आदेश जारी करीत आहे.
