Solapur (प्रशांत कटारे) एमआयएम चे माजी शहराध्यक्ष तथा विद्यमान नगरसेवक तोफिक शेख यांनी शुक्रवारी राष्ट्रवादी काँग्रेसचे राष्ट्रीय अध्यक्ष शरद पवार यांच्या पक्षाच्या कार्यकर्ता मेळाव्याच्या स्टेजवर जाऊन जोरदार भाषण केले. येणाऱ्या महापालिकेच्या निवडणुकीत काँग्रेसची सत्ता महापालिकेत आणण्याचा निर्धार व्यक्त केला. त्यामुळे निश्चितच तोफिक शेख हेआता राष्ट्रवादीचेच झाले आहेत हा पुरावा शुक्रवारी झालेला कार्यक्रम सांगून जातो.
त्यामुळे आता एमआयएम पक्ष बंडखोर तोफिक शेख यांच्यावर कारवाई करण्याची डेरिंग करणार का असा प्रश्न सध्या राजकीय वर्तुळात उपस्थित होऊ लागला आहे. 2019 च्या निवडणुकीची एमआयएम पक्षाकडून शहर मध्य या विधानसभा मतदार संघासाठी तौफिक शेख हे खुनाच्या आरोपाखाली तुरुंगात असल्याने पक्षाने फारूक शाब्दी या युवा चेहऱ्याला विधानसभेचे तिकीट दिले त्यामुळे तौफीक शेख यांच्यासह कार्यकर्ते प्रचंड नाराज झाले, ती नाराजी काही प्रमाणात विधानसभेच्या निवडणुकीत दिसून आली.
निवडणूक झाली, पैलवान सुटून आले त्यांनी आल्यापासूनच पक्षापासून दूर राहणे पसंत केले त्यांनी थेट महेश कोठे यांच्यासोबत राष्ट्रवादीचे अध्यक्ष शरद पवार यांची मुंबईमध्ये भेट घेतली तेव्हापासून पैलवान राष्ट्रवादी मध्ये जाणार हे निश्चित झाले. नंतर बऱ्याच राजकीय घडामोडी घडल्या विधान परिषदेची निवडणूक झाली तोफिक शेख के राष्ट्रवादीच्या स्टेजवर आणि त्यांच्या कार्यक्रमात दिसून आले. परंतु अधिकृतपणे त्यांनी राष्ट्रवादी काँग्रेसचा शेला गळ्यात घेतला नाही त्यामुळे एमआयएम या पक्षाला त्यांच्यावर कारवाई करता आलेली नाही.
दरम्यानच्या काळात एमआयएम नगरसेविका तसलीम शेख यांनी उघडपणे भारतीय जनता पार्टीला मतदान केल्याचे सिद्ध झाल्यानंतर पक्षाने त्यांच्यावर हकालपट्टीची कारवाई केली आता तर तौफिक शेख यांनी थेट शरद पवार यांच्या राष्ट्रवादी पक्षाच्या कार्यक्रमांमध्ये जाऊन भाषण केले, राष्ट्रवादीची सत्ता महापालिकेत आणण्याची भाषा केली आता एमआयएम हा पक्ष त्यांच्यावर कारवाई करणार का? पक्षाचे शहर व जिल्हाध्यक्ष फारूक शाब्दि यांची भूमिका काय असणार ते कोणता निर्णय घेणार याकडे सर्वांचे लक्ष लागून राहिले आहे.
