सोलापूर : पंतप्रधान नरेंद्र मोदी यांच्या दिव्य काशी भव्य काशी या कार्यक्रमाच्या थेट प्रक्षेपणास पोलीस प्रशासनाने मज्जाव करून भारतीय जनता पक्षाच्या कार्यकर्त्यांवर गुन्हे दाखल केले होते. या संदर्भात भाजपतील नेत्या – कार्यकर्त्यांच्या भावना सध्या तीव्र असल्याने त्याच्या निषेधार्त आज शुक्रवारी जिल्हा परिषद पूनम गेट येथे आंदोलन करण्यात आले.
या आंदोलनाचे नेतृत्व सोलापुरातील भाजपचे नेते आमदार विजयकुमार देशमुख यांनी केले होते. कोरोना ओमीक्रोन संसर्गाच्या पार्श्वभूमीवर शहरात पोलीस प्रशासनाने जमावबंदी लावली आहे, परवानगी नसताना हे आंदोलन झाले. त्यामुळे सदर बझार पोलिसांनी 49 जणांवर गुन्हे दाखल केले आहेत. त्यामध्ये नेतृत्व करणारे आमदार विजयकुमार देशमुख यांचे नाव प्रेस नोट मध्ये नव्हते, त्यांची गणती पोलिसांनी इतरांमध्ये केल्याचं पहायला मिळाले.
पोहेको अजितसिंह शिवाजी देशमुख, नेम सदर बझार पोलीस ठाणे, सोलापूर शहर यांनी या प्रकरणी फिर्याद दिली आहे. गुन्हे दाखल झालेल्यांमध्ये १) विक्रम देशमुख, भाजप शहर अध्यक्ष, सोलापूर २) अनिल कलादगी, भाजप शहर चिटणीस, ३) शोभा बनशेट्टी, ४) रामभाऊ वाकसे, ५) वंदना गायकवाड, ६) राजकुमार पाटील. ७) डॉ. किरण देशमुख ८) शिवानंद सिद्रामप्पा पाटील यांचे सह इतर ४९
आंदोलनकते यांनी जिल्हा परिषदेसमोर बेकायदेशीरपणे, विनापरवाना, सोशल डिस्टन्सींग न ठेवता एकत्रित जमाव करुन, एकत्र येण्यास मज्जाव | असताना भारतीय जनता पार्टीच्या वतीने विक्रम देशमुख भाजप शहर अध्यक्ष यांच्या नेतृत्वाखाली वरील नमुद इसमांनी भव्य काशी दिव्य काशी या धार्मिक कार्यक्रमाचे सोलापेर शहरामध्ये काही ठिकाणी भारतीय जनता पक्षातर्फे विनापरवाना एल ई डी लावुन प्रक्षेपण करून लोकांची गर्दी जमविले बद्दल कायदेशीर गुन्हे दाखल करण्यात आले असताना पोलीस प्रशासनाने केलेले कारवाईचा निषेध करण्यासाठी कार्यकर्त्यांसह निदर्शन आंदोलन करत पोलीस प्रशासनाकडून करण्यात आलेल्या आवाहनाचे व जमाव बंदी आदेशाचे, महाराष्ट्र शासनाने वेळोवेळी निर्गमित केलेल्या आदेशाचे तथा मा. आयुक्त सोलापूर महानगर पालिका याचे आदेशाचे उल्लंघन करीत असताना मिळून आले आहेत.
