मोहोळ : मौजे पेन्नूर येथील विद्यमान ग्रामसेवक संतोष पोपटराव पाटील यांनी फसवणुक करून सरकारी रमकमेचा अपहार केले प्रकरणी गुन्हा दाखल करण्याची तक्रार पेनुरच्या माजी सरपंच श्वेता राजु राजगुरु यांनी केली होती.
तक्रार करूनही जिल्हा परिषदेचे प्रशासन दखल घेत नव्हते शेवटी सोमवारी श्वेता राजगुरू या वंचित बहुजन आघाडीचे पदाधिकारी तसेच चर्मकार महासंघाच्या पदाधिकाऱ्यांसोबत आंदोलन करण्याचा भूमिकेतून जिल्हा परिषदेमध्ये आल्या. मात्र जिल्हा परिषदेच्या प्रशासनाने राजगुरू यांना लेखी पत्र देत ग्रामसेवक पाटील यांच्यावर कारवाई करण्याचे आश्वासन दिल्याने त्यांनी आपले आंदोलन मागे घेतले.
श्वेता राजगुरू या सरपंच असताना पेनुर गावांमध्ये 14 व्या वित्त आयोगातून एलईडी लॅम्प बसवण्यासाठी 65 हजाराचा चेक स्वतःच्या सहीचा दिला परंतू एलईडी लॅम्प खरेदी न करता परस्पर खर्च केल्याचे निदर्शनास आले. त्यानंतर त्या ग्रामसेवकावर कारवाई करण्याच्या मागणीसाठी राजगुरू यांची धडपड सुरू होती.
