“सुरेश पाटलांच्या नेतृत्वावर आणि कार्यक्षमतेवर मतदारांचा विश्वास, शेवटच्या श्वासापर्यंत काम करण्याची धमक सुरेश पाटलांमध्ये आहे, सर्व सामान्य व तळागाळातील भाजप कार्यकर्ता हेचं भाजपाचे मालक”–आमदार सचिन कल्याणशेट्टी
सोलापूर : माजी पंतप्रधान स्वर्गीय अटल बिहारी वाजपेयी यांच्या जयंतीनिमित्त प्रभाग क्रमांक ३ येथील एनटीआर भजी सेंटर ते पठाण बाबा दर्गा, वासू टेलर ते बनसोडे घर रस्ता डांबरीकरण व फूटपाथ करणे तसेच महाराष्ट्र सुवर्ण जयंती नगरोत्थान जिल्हास्तर महाराष्ट्र शासन अनुदानातील 25 लक्ष रुपयांचा भाजपाचे ज्येष्ठ नगरसेवक सुरेश पाटील (Suresh Patil) यांनी मंजूर केलेल्या रस्त्याचे उद्घाटन अक्कलकोटचे आमदार सचिन कल्याणशेट्टी (Sachin Kalyanshetty) यांच्या हस्ते भाजपाचे युवा नेते मनीष देशमुख, भाजपाचे सरचिटणीस बिजू प्रधाने, शशिकांत थोरात, बाळू पाटील अशोक कटके, समीर पांगळे, जगन्नाथ बनसोडे, सिद्राम तेगेळ्ळी,जे.डी. कांबळे निंगप्पा पुजारी,गोविंद सोनी, महेश नांदगावकर, अक्षय अंजीखाने, सागर मोरे आनंद साळुंखे विजय पुजारी, नरसप्पा मदगल, बंडप्पा डोळे, बसवराज जाडगल, आदींच्या प्रमुख उपस्थितीत शनिवारी सायंकाळी करण्यात आले.
सुरेश पाटील तसे पाहिले तर शहर उत्तर मतदारसंघात वर्चस्व असलेले नेते, मात्र पर्याय नसल्याने त्यांना आमदार विजयकुमार देशमुख यांच्या नेतृत्वाखाली काम करावे लागते. सुरेश पाटलांनी कधीही देशमुखांची मालकी स्वीकारली नाही, मात्र मालकांना ही जुळवून घेण्याशिवाय पर्याय नाही. अशातच प्रथमच सुरेश पाटील यांनी आपल्या कार्यक्रमात सुभाष देशमुख समर्थक अक्कलकोटचे आमदार सचिन कल्याणशेट्टी यांना घेऊन कार्यक्रम केला. याची सोलापूरच्या राजकीय वर्तुळात चर्चा रंगू लागली आहे. आमदार कल्याण शेट्टी यांनी सुद्धा आपल्या भाषणात सुरेश पाटलांचे प्रचंड कौतुक केले यावेळी त्यांनी विशेष करून स्वर्गीय लिंगराज वल्याळ यांच्या नावाचा उल्लेख करत मालकांना जास्त महत्त्व दिलं नसल्याचं त्यांच्या भाषणावरून दिसून आलं.
गेल्या पंचवीस वर्षापासून म्हणजेच पाच टर्म महापालिकेमध्ये तसेच जनतेच्या मनामध्ये अधिराज्य निर्माण केलात जनतेच्या विश्वासाला आपण पात्र ठरला टीका-टिप्पणी जास्त महत्त्व देऊ नका, शेवटच्या श्वासापर्यंत आपले कार्य अविरत सुरू ठेवा, सुरेश पाटलांच्या नेतृत्व आणि कार्यक्षमतेवर मतदारांचा विश्वास आहे. सर्वसामान्य व तळागाळातील भाजपचे कार्यकर्ते हेचं भाजपाचे मालक आहेत असा चिमटा कल्याणशेट्टी यांनी काढला…..पहा हा व्हिडीओ
