सोलापूर : गुरुशांत मोकाशी….कायम दुसऱ्यांच्या मदतीला धावून जाणारं व्यक्तिमत्त्व.. आपल्या मित्राचा वाढदिवस असला की फेसबुकवर शुभेच्छा दिल्याच समजा, एवढेच नाही तर त्यांचा फेटा बांधून सत्कार करणे, केक कापणे ही बांधिलकी त्याने कायम जपली आहे. कोरोनाच्या दुसऱ्या लाटेत मोकाशी यांनी शेकडो लोकांना बेड मिळवून दिला, ऑक्सिजन बेड मिळण्यासाठी प्रयत्न केले, मृतदेह नातेवाईकांना लवकर मिळावेत यासाठी जीवाची पर्वा न करता सिव्हील हॉस्पिटलमध्ये प्रयत्न केले, कुणाला सिव्हील हॉस्पिटलमध्ये कोणतंही काम असो, मृत्यू दाखल्याची अडचण असेल तर गुरुशांत मोकाशी यासाठी तत्पर माणूस.
याच मित्रप्रेम जपणाऱ्या गुरुशांत मोकाशी याचा 28 जानेवारी वाढदिवस. या मित्रासाठी सर्व मित्र परिवार धावून आले. केवळ शुभेच्छा द्यायच्या नाही तर स्वतः रक्तदान करून शुभेच्या देण्याचं ठरले. 35 व्या वाढदिवसाच्या निमित्ताने 35 मित्रांनी स्वतः रक्तदान करून शुभेच्छा दिल्या.
एस बी प्रतिष्ठान हगलूर व गुरुशांत मोकाशी मित्र परिवार यांच्या संयुक्त विद्यमाने सिद्धेश्वर रक्त पेढीच्या साहाय्याने आयोजित रक्तदान शिबिराचे उद्घाटन उत्तर पंचायत समितीच्या सभापती रजनी भडकुंबे, दक्षिण पंचायत समितीच्या सभापती सोनाली कडते, मनीषा कटारे, गोदावरी मोकाशी, संभाजी भडकुंबे, सिद्धार्थ गायकवाड, श्रीशैल रणधीरे, संतोध सोनवणे, पत्रकार रामकृष्ण लांबतुरे, अभिजीत भडकुंबे, किरण गायकवाड, ज्येष्ठ पत्रकार कोरे, यल्लप्पा तुपदोळकर, मल्लू म्हेत्रे यांची उपस्थिती होती.
यावेळी सभापती भडकुंबे, सिद्धार्थ गायकवाड व पत्रकार कोरे यांनी वाढदिवसाच्या शुभेच्छा देत मोकाशी यांनी कोरोना काळात केलेल्या कामाचा गौरव केला.
कार्यक्रमाचे सूत्रसंचालन किरण गायकवाड यांनी तर आभार अमित भडकुंबे यांनी मानले.
