सोलापूर : श्री. सिध्देश्वर यात्रा सोहळ्याचे प्रमुख मानकरी राजशेखर हिरेहब्बू यांनी 15 तोळं सोनं हे कुमार करजगी यांना परत केलं असून, मानाच्या पहिल्या नंदीध्वजाला मुलामा देण्याचं काम करजगी यांनी स्वतः हाती घेतलं आहे.
कामगार नेते तथा उद्योजक कुमार करजगी यांनी शिवयोगी श्री सिद्धरामेश्वर महाराजांच्या यात्रा सोहळ्यातील मानाच्या पहिल्या नंदीध्वजांसाठी 15 तोळं सोनं देण्याचं जाहीर केलं होतं त्यानुसार ते त्यांनी यात्रा काळात यात्रेचे प्रमुख मानकरी राजशेखर हिरेहब्बू यांच्याकडं यात्रेचे मानकरी, तसचं नंदीध्वजधारक आणि भक्तगणांच्या उपस्थितीत सुपुर्द केलं होतं.
दरम्यान यावरुन ऐन यात्रा काळात गदारोळ उठला. श्री. सिध्देश्वर देवस्थान पंच कमिटीच्या वतीनं या संदर्भात आपली भूमिका स्पष्ट करताना, पहिला नंदीध्वज हा देवस्थाचा असताना तसचं पहिल्या नंदीध्वजाचा सगळा खर्च हा देवस्थाचा असतो, असं असताना हिरेहब्बू यांनी परस्पर सोनं घेण हे गैर आहे, सोनं गोळा करण्याचा त्यांचा अधिकार नाही असं स्पष्टपणे सुनावून या प्रश्नी प्रसंगी कायदेशीर कारवाईचा इशारा ही दिला होता. यावरुन ऐन यात्रा काळात मोठा गदारोळ उठला होता. 15 तोळं सोन्याचा मुद्दा हा कळीचा ठरल्यानं श्री. सिध्देश्वर भक्तगणांना मध्ये अस्वस्थता निर्माण झाली होती. कुमार करजगी यांची नेमकी भूमिका काय? याकडं ही सर्वांचं लक्ष लागून राहिलं होतं.
दरम्यान या एकूणचं पार्श्वभुमीवर रविवारी 6 फेब्रुवारी रोजी शिवयोगी श्री सिद्धेश्वर यात्रा सोहळ्याचे प्रमुख मानकरी राजशेखर हिरेहब्बू यांनी त्यांच्या वाड्यात 15 तोळं सोनं हे कुमार करजगी यांना परत केलं. सिध्देश्वर भक्तगणांना कोणताही त्रास होऊ नये यासाठी आपण एक पाऊल मागं घेत कुमार करजगी यांनी मानाच्या पहिल्या नंदीध्वजांसाठी दिलेलं 15 तोळं सोनं हे त्यांना परत देत असल्याचं सांगितलं.
कुमार करजगी यांनी हे सोनं हिरेहब्बू यांच्याकडून घेतल्या नंतर मानाच्या पहिल्या नंदीध्वजाच्या हरड्या आणि पाल्यांना सोन्याचा मुलामा देण्याचं काम स्वतः हाती घेतलं. यासाठी त्यांनी हैदराबाद येथील खास कारागीर शिवचरण तसचं आता खान यांना बोलावून घेतलं आहे. त्यांनी ते सोनं हे सोनं शिवचरण यांच्याकडं सुपुर्द केलं. हिरेहब्बू वाड्यात पुढील काम लागलीच सुरु करण्यात आलं. कारागीर शिवचरण आणि आता खान यांनी हरड्या तसचं पाटील यांना सोन्याचा मुलामा देण्याचं काम हाती घेतलं.
दरम्यान कुमार करजगी यांनी आपली भूमिका स्पष्ट केली. हिरेहब्बू तसचं देवस्थान यांच्यातील वाद मिटावा, हे दोघे ही शिवयोगी श्री सिद्धरामेश्वर महाराजांचे सेवा करणारे आहेत. मी ही श्री. शिवयोगी सिध्देश्वरामेश्वरांचा भक्त आहे, तेव्हा कोणता ही वाद यामुळं निर्माण होऊ नये हीच आपली प्रामाणिक भूमिका असल्याचं ते म्हणाले.
या प्रसंगी जगदीश हिरेहब्बू, विनोद हिरेहब्बू, सागर हिरेहब्बू, मनोज हिरेहब्बू, विकास हिरेहब्बू, संजय हिरेहब्बू, संतोष हिरेहब्बू यांच्यासह सोमनाथ मेंगाणे, सुधीर थोबडे, सुनील मसरे, संदेश भोगडे, गंगाधर कल्याणकर भोगडे यांची उपस्थिती होती.
