सोलापूर : वादग्रस्त बीडीओ जास्मिन शेख या पुन्हा उत्तर पंचायत समितीच्या गटविकास अधिकारी पदी बुधवारी रुजू झाल्या. त्यांचे स्वागत जणू एका पदाधिकारी, आमदार अथवा मंत्र्या प्रमाणे उत्तर पंचायत समिती मध्ये करण्यात आले, गुलाब फुलांच्या पायघड्या अंथरूण आजूबाजूला रांगेत कर्मचारी उभे राहिले टाळ्या वाजवल्या. या स्वागताने शेख मॅडम भारावल्या.
‘सिंहासन’ वर जेव्हा जास्मिन शेख यांच्या स्वागत आणि पदभाराची बातमी प्रसिद्ध होताच ती इतकी व्हायरल झाली की, फोन वर फोन आले.एक तर त्या मॅडमचा पंचायत समिती मध्ये प्रचंड दरारा, त्यांनी अनेक कर्मचारी व अधिकाऱ्यांना त्रास दिल्याचे ऐकण्यास मिळत होते मग एवढे जंगी स्वागत करणारा कोण आहे बाबा?याची उत्सुकता होती. काही जणांनी फोनवर सांगितले की, साहेब, सर्व कर्मचारी कार्यालयात बसून होते, कुणीही अधिकारी बाहेर नव्हता. तो ग्रामसेवक संघटनेचा अध्यक्ष आहे ना गंगाधर कांबळे. त्यांनी हा कौतूक सोहळा घडवून आणला आहे.
एक तर मुख्य कार्यकारी अधिकारी दिलीप स्वामी यांची तक्रार, सभापती रजनी भडकुंबे यांची तक्रार, माजी आमदार दिलीप माने, ज्येष्ठ नेते काका साठे यांची तक्रार त्यामुळे शेख यांची तडकाफडकी बदली झाली होती. त्यांनी ‘मॅट’मध्ये जाऊन आपली बदली थांबवली.त्यांनी सहा महिन्यानंतर पुन्हा उत्तर पंचायत समिती मध्ये ऑर्डर आणली.
मात्र त्यांच्या तक्रारी वरील चौकशी प्रलंबित असल्याची माहिती मिळत आहे. न्यायालयाच्या निकालानुसार दिलेली स्थगिती विचारात घेऊन तात्पुरती नियुक्ती आहे असे असताना कर्मचारी व अधिकारी सोडून ग्रामसेवक गंगाधर कांबळे यांनी स्वागत करण्याची धडपड का?असा प्रश्न उपस्थित केला जात आहे. जिल्हा परिषद प्रशासन सुद्धा हे चित्र पाहून अवाक झाले आहे, आता काय भूमिका घेणार ?असा ही प्रश्न निर्माण झाला आहे. गंगाधर कांबळे यांची मात्र यात अडचण झाली असल्याचे चित्र आहे.
