सोलापूर : जिल्ह्याचे पालकमंत्री दत्तात्रय भरणे हे यंदा शुक्रवार सोडून रविवारी सोलापूर दौऱ्यावर येत आहेत या दौर्यात ते सर्व खाजगी कार्यक्रमांना उपस्थिती लावणार आहेत. विशेष म्हणजे रविवारी महामानव डॉक्टर बाबासाहेब आंबेडकर यांच्या संदर्भातील विविध चार कार्यक्रमांना त्यांची उपस्थिती राहणार आहे. या कार्यक्रमांना समाजातील कोणत्याही नेत्यांना तसेच डॉक्टर बाबासाहेब आंबेडकर उद्यान व संविधान भवन कृती समिती यांनाही या कार्यक्रमाचे निमंत्रण नाही त्या पार्श्वभूमीवर नगरसेविका वंदना गायकवाड, नगरसेविका स्वाती आवळे, कामगार नेते अशोक जानराव, सुशील सरवदे, अजित गायकवाड, समाधान आवळे, सचिन शिंदे, वंचित बहुजन आघाडीचे जिल्हाध्यक्ष राजरत्न फडतरे,विक्रांत गायकवाड यांच्यासह आंबेडकरी समाजातील अनेक नेत्यांनी एकत्र येऊन महापालिकेमध्ये महापौरांना निवेदन दिले तसेच महापालिका आवारात घोषणा दिल्या, पालकमंत्र्यांचे रविवारी होणारे सर्व कार्यक्रम रद्द करा अशी जोरदार घोषणाबाजी केली….
यावेळी अशोक जानराव, नगरसेविका वंदना गायकवाड, सुशील सरवदे यांनी आपली भूमिका स्पष्ट करत सर्व आंबेडकरी समाजाला विश्वासात न घेतल्यास पालकमंत्र्यांचे रविवारचे कार्यक्रम उधळून टाकू असा इशारा दिला….
