सोलापूर : तुमचे साहेब फक्त, आमदारांनाच भेटतात का? असे म्हणून महापालिका आयुक्तांच्या कार्यालयाबाहेर ठिय्या आंदोलन करत क्रांतिवीर लहुजी शक्ती सेनेच्या कार्यकर्त्यांनी शनिवारी महापालिकेत आयुक्तांच्या कार्यालयासमोर हुल्लडबाजी करत महापालिकेच्या कर्मचाऱ्यांना मारहाण केली. या प्रकरणी शासकीय कामात अडथळा आणला म्हणून 353 कलमान्वये गुन्हा दाखल करण्यात आला आहे. श्रीकांत उमाकांत काळे यांनी याप्रकरणी सदर बझार पोलीस ठाण्यात फिर्याद दिली आहे. लहुजी शक्ती सेनेच्या 3 नाव माहीत नसलेल्या कार्यकर्त्यांवर गुन्हा दाखल झाला आहे.
शनिवारी सायंकाळी पाचच्या सुमारास क्रांतिवीर लहुजी शक्ती सेनेचे काही कार्यकर्ते निवेदन देण्यासाठी महापालिका आयुक्त कार्यालय जवळ आले होते. तेव्हा फिर्यादीने आयुक्त साहेबांना याबाबत माहिती दिली तसेच बांधकाम परवाना विभागाचे नाईकवाडी यांना बोलावून घेणेस सांगून सदर संघटनेचे लोकांना काही काळ बाहेर थांबणेस सांगितले.
त्यानंतर काही वेळातच नाईकवाडी आयुक्त यांच्या चेंबरमध्ये आले असता फिर्यादी देखील सोबत चेंबरमध्ये गेले त्यावेळी आयुक्त यांनी नाईकवाडी यांना सदर संघटनेचे लोकांचा अर्ज घेवून त्याचे काय समस्या आहेत ते सोडविण्यास सांगितले त्यावेळी नाईकवाडी व फिर्यादी हे चेंबरचे बाहेर आले असता नाईकवाडी यांनी सदर संघटनेचे लोकांना त्यांचे निवेदन देणेस सांगून काय समस्या आहे असे विचारले त्यावेळी सदर संघटनेचे लोकांनी फिर्यादीस आयुक्त साहेबांना भेटायचे आहे तुम्हाला काय सांगायचे नाही असे म्हणून अरेरावेची भाषेत बोलून आमदारांनाच भेटतात काय तुमचे साहेब असे म्हणून वाद घालणेस सुरू केला.
त्यावेळी फिर्यादी लगेच चेंबरमध्ये जावून साहेबांना याबाबत सांगितले असता आयुक्त साहेबांनी विभागीय कार्यालयाची झोनल अधिकाऱ्यांची महत्वाची मिटींग करून सदर लोकांना उदईक रोजी भेटण्यास बोलवा असे सांगितले. त्याप्रमाणे फिर्यादीने संघटनेच्या लोकांना बाहेर येवून तसा निरोप दिला. सदर वरील आरोपी लोक हे आम्ही साहेबांना भेटल्याशिवाय आम्ही येथून हालणार नाही असे म्हणून चेंबरचे बाहेर बैठक घालून धरण्याला बसले त्यानंतर नाईकवाडी साहेब तेथून निघून गेले त्यानंतर तेव्हा सदर लोकांस उदया भेटायला या महत्त्वाची मिटींग चालू होणार आहे तुम्ही उदया या असा निरोप दिल्यावर वरील आरोपी मधील एका इसम हा बसलेल्या उठुन जबरदस्ती आत जायचे बेतात असताना फिर्यादीने त्यास चेंबरचे बाहेर रोखले त्यावेळी सदर इसमांने फिर्यादीस धक्काबुक्की करून हे हरामखोर बाजुला सरक जास्त शहाणपण करू नकोस असे म्हणून फिर्यादीस ढकलून दिले तरी देखील फिर्यादीने त्यास आत जाऊ नाही दिले तर सदर इसमाने फिर्यादीस गालावर जोरात चापट मारली,
त्यावेळी फिर्यादी खाली बसलो असता फिर्यादीस चापट मारणारा इसम व संघटनेचे तेथे आलेले इतर २-३ लोक जबरदस्तिने साहेबांचे चेंबरमध्ये व आयुक्त साहेबांचे समोर गोधळ घालणेस सुरू केला असता तेथे फिर्यादी आत जावून सदर लोकांना बाहेर जाणेबाबत सांगत असताना तेथे फिर्यादीचे ऑफिसमधील इतर अधिकारी व कर्मचारी येवून सदर संघटनेचे लोकांना समजूर काढुन बाहेर काढले त्यानंतर काही वेळाने साहेबांनी त्यांचे निवेदन घेतले, तरी सदर वरील आरोपीत यांनी फिर्यादीस धक्काबुक्की व मारहाण करून शासकीय कामात अडथळा करणारे इसमाविरूध्द तक्रार दिली.
