सोलापूर( प्रतिनिधी) गावच्या विकास कामासाठी व जनतेच्या प्रश्नासाठी युवकांनी काम केले पाहिजे. कामाची जाणीव लोक निश्चीत ठेवतात. त्यांचे आशीर्वाद हीच आपल्या कामाची पावती असल्याचे माजी आमदार दिलीपराव माने यांनी सांगितले.
महाराष्ट्र परिट सेवा मंडळ सोलापूरचे जिल्हाध्यक्ष अजय सोनटक्के यांच्या वाढदिवसानिमित्त तिहे येथे आयोजित केलेल्या नागरी सत्कार समारंभात ते बोलत होते. यावेळी बाळासो सुरवसे,सोसायटी चेअरमन भास्कर सुरवसे सरपंच नेताजी सुरवसे,उपसरपंच तुकाराम मल्लाव, गोवर्धन जगताप, युवा मंच तालुका अध्यक्ष सुनिल जाधव, समन्वयक उमेश भगत, सचीन ढेपे, किरण बंडगर, तात्या कदम, सुदर्शन पाटील आदि मान्यवर उपस्थित होते.
राजकारण फक्त निवडणुकीचे वेळी नंतर गावासाठी व सर्वसामान्यांच्या हितासाठी, न्यायासाठी काम करीत रहा. केलेल्या कामाची जाणीव नागरीक ठेवतात.अजय सोनटक्के हे नेहमी गावासाठी, गावातील लोकांसाठी व माने गटासाठी सतत काम करीत असून युवकांनो जिद्द व ध्येयाने काम करा असे माने यांनी सांगितले.
यावेळी ब्रह्मसुमित्रा पाणपोईचे उद्घाटन माजी आमदार दिलीपराव माने तर रक्तदान शिबीराचे उद्घाटन डीवायएसपी सुर्यकांत पाटील यांच्या हस्ते,ब्रिलीयंट ग्रुपचे वतीने शाळेतील विद्यार्थ्यांना खाऊ वाटप एपीआय आनंद थिटे यांच्या उपस्थित करण्यात आला. यावेळी जिल्हा परिषदेचे माजी सदस्य बाळासाहेब सुरवसे, तालुकाध्यक्ष सुनिल जाधव यांनी अजय सोनटक्के यांचे कामाचे कौतुक केले.
यावेळी अजय सोनटक्के यांचा पृथ्वीराज युवामंच उत्तर सोलापूर आरपी फ्रेंड भोईराज मंडळ, मोरया प्रतिष्ठान,अमर भिम तरुण मंडळ, ब्रिलीयंट ग्रुप, अजय सोनटक्के मित्रपरिवाराचे वतीने सत्कार करण्यात आला.
कार्यक्रमास तंटामुक्त अध्यक्ष अरविंद जाधव, माजी तंटामुक्त अध्यक्ष शिवाजी सुरवसे माजी सरपंच संजय राठोड, माजी सरपंच गुरुदेव गायकवाड नामदेव पवार नंदू जाधव आनंद जाधव दिनेश गणपाटील विनोद शिंदे, दादासो मल्लाव, बालाजी गायकवाड, प्रविण गायकवाड, सचीन आधटराव, बिबिषण मल्लाव, पप्पू गायकवाड यांचेसह गावातील नागरीक, युवा मंच पदाधिकारी मोठ्या संख्येने उपस्थित होते. सुत्रसंचालन विनोद शिंदे यांनी केले आभार विष्णू सोनटक्के यांनी मानले.
