सोलापूर – ( प्रतिनिधी ) – शिवसेना जिल्हाप्रमुख गणेश वानकर यांच्या वाढदिवसानिमित्ताने शुक्रवारी दिवसभर विविध कार्यक्रमांचे आयोजन करण्यात आले होते.
सकाळी निवासस्थानी गणेश वानकर यांच्या वाढदिवसानिमित्त मातोश्री माजी नगरसेविका मंगल वानकर यांनी औक्षण केले. यावेळी वडील कृषी उत्पन्न बाजार समितीचे संचालक प्रकाश वानकर,सुविद्य पत्नी संध्यादेवी गणेश वानकर, बंधू दत्तात्रय वानकर आणि विठ्ठल वानकर, पुनम विठ्ठल वानकर, बहीण जोत्स्ना सुपाते, भावजी संतोष सुपाते, चिरंजीव शंभू गणेश वानकर आणि राजनंदिनी वानकर यांची उपस्थिती होती.
सायंकाळी देगाव येथे जनसंपर्क कार्यालयासमोर जिल्हाप्रमुख वानकर यांच्यावर प्रेम करणाऱ्या मित्र परिवार आणि प्रभागातील नागरिकांनी वाढदिवसानिमित्त शुभेच्छांचा वर्षाव केला .तसेच देगाव येथे जय भीम चौकाच्या नामफलकाचे उद्घाटन जीएम ग्रुपचे संस्थापक बाळासाहेब वाघमारे आणि दशरथ कसबे यांच्या हस्ते करण्यात आले.
जिल्हाप्रमुख वानकर म्हणाले, आगामी सोलापूर महानगरपालिकेच्या निवडणुकीत प्रभाग क्रमांक २३ आणि प्रभाग क्रमांक १० या दोन्ही प्रभागांमध्ये शिवसेनेचे सर्व उमेदवार निवडून येऊन दोनही प्रभागात भगवा फडकवल्याशिवाय स्वस्थ बसणार नाही, असेही शिवसेनेचे जिल्हाप्रमुख गणेश वानकर यांनी ठामपणे सांगितले.
ठाकरे घराण्याची निष्ठा हीच वानकर परिवाराची प्रतिष्ठा असून अखेरच्या श्वासापर्यंत शिवसेनेचा भगवा प्रामाणिकपणे फडकवत ठेवू असेही गणेश वानकर यावेळी बोलताना म्हणाले.
दरम्यान उच्च व तंत्रशिक्षण मंत्री उदय सामंत, पाणीपुरवठा व स्वच्छता मंत्री गुलाबराव पाटील, खासदार गजानन कीर्तिकर, खासदार विनायक राऊत ,खासदार ओमराजे निंबाळकर, आमदार कैलास पाटील , आमदार संजय मामा शिंदे , आमदार समाधान आवताडे, युवा सेनेचे सरचिटणीस वरूण सरदेसाई, शिवसेनेचे जिल्हाप्रमुख पुरुषोत्तम बरडे, माजी आमदार दिलीप माने, सुनील मधुकरराव चव्हाण, उद्योगपती सतीश वडगबाळकर तसेच प्राध्यापक अजय दासरी, आदींनी वाढदिवसानिमित्त जिल्हा प्रमुख गणेश वानकर यांना फोनवरून शुभेच्छा दिल्या.
सायंकाळी झालेल्या सत्कार समारंभास जितेंद्र साठे, अंत्रोळीच्या सरपंच कोमल करपे, शरद निकम, तानाजी गुंड पाटील ,शिवाजी गुंड पाटील, विक्रांत काकडे, अशोक भोसले, मुकुंद जाधव, निवृत्ती भोसले, सिद्धेश्वर कस्तुरे, कारले भाऊजी ,संतोष कोरे, बंडोपंत भोसले ,संतोष सुपाते, दीपक भातलवंडे, संतोष ताडगे,शेखर कवठेकर, विष्णू जगताप, योगेश कोरे, अन्वर शेख ,इब्राहीम शेख, समाधान गायकवाड, गोटू गायकवाड यांच्यासह मानकर परिवारावर प्रेम करणारे प्रभागातील नागरिक मोठ्या संख्येने उपस्थित होते.
