सोलापूर : काँग्रेस पक्षाचे माजी युवक अध्यक्ष अंबादास बाबा करगुळे हे पक्षावर नाराज असल्याचे चित्र आहे. महापालिका निवडणुकीच्या प्रभाग रचनेत प्रभाग क्रमांक 12 मधून कोणापुरे चाळ प्रभाग 21 मध्ये गेल्यामुळे माजी गटनेते चेतन नरोटे यांच्या विरोधात पत्रकार परिषद घेऊन आपली नाराजी व्यक्त करत पण त्यांनी पक्षाची नाराजी ओढावून घेतली होती.
युवक अध्यक्ष पद गेल्यापासून अंबादास करगुळे हे काँग्रेस पक्षाच्या कोणत्याही आंदोलन व इतर कार्यक्रमात सहभागी होताना दिसत नाहीत. याच पार्श्वभूमीवर रविवारी बाबा करगुळे यांनी शासकीय विश्रामगृहावर आपल्या समर्थक युवकांची मोठी बैठक घेतली त्यातून एक प्रकारे आपल्या शक्तिप्रदर्शन केले आणि नकळत पक्षावरील नाराजी दाखवून दिली.
या बैठकीला परिवहन सदस्य गणेश साळुंखे, माजी शहरमध्य युवक अध्यक्ष योगेश मार्गम, ओमकार गायकवाड, मोची समाज युवक अध्यक्ष यल्लाप्पा तुपदोळकर, सिद्राम चोपडे, बाबुराव क्षीरसागर, अर्जुन साळवे, सुशील नाटकर, राज शिंदे, नागेश म्याकल, मल्लु म्हेत्रे, श्रीनिवास परकीपडला, आकाश गायकवाड, शंकर देशमुख, आनंद भंडारे, साजिद पटेल, श्रीनिवास चेन्नईपागुल, सुभाष वाघमारे, मनोज दरेकर, धीरज खंदारे, सिद्धांत रंगापुरे, अजय अटेलुर, अन्वर शेख, अभिषेक गायकवाड, धम्मदीप जगझाप, वसंत धोत्रे, नरेश येलूर, संतोष धारा, नेमचंद पवार, अस्लम शेख, राजू गायकवाड, सरफराज शेख, अभिषेक म्हेत्रे, ओंकार पाटील, मोनेश घंटे, अंजन जंगम, राजु तंत्रेकर, शिवराज बेरे, भीमा पेदे, श्रीनिवास म्हेत्रे यांची उपस्थिती होती.
दरम्यान आपली भूमिका स्पष्ट करताना काँग्रेस पक्षावरील नाराजी व्यक्त केली. आम्ही मागील पाच वर्षात काँग्रेस पक्ष विरोधात असताना अनेक आंदोलने केली पोलिसांच्या काट्या खाल्ल्या असे असताना पक्ष आमच्याकडे दुर्लक्ष करत आहे असा आरोप करत त्यांनी काही मागण्या पक्षासमोर केल्या आहेत..
