काय ओ जगद्गुरुजी ! इथे आमचे सुभाष बापू पाहिजे होते, विजयकुमार देशमुख अन् सचिन कल्याणशेट्टी यांचा फोटो व्हायरल
सोलापूर : सोलापूर कृषी उत्पन्न बाजार समितीच्या निवडणुकीनंतर गुरु शिष्यांची जोडी समजली जाणाऱ्या ज्येष्ठ आमदार सुभाष देशमुख आणि अक्कलकोटचे आमदार सचिन कल्याणशेट्टी यांच्यात प्रचंड दुरावा निर्माण झाला झाला. त्यातच सचिन कल्याणशेट्टी हे सुभाष देशमुख समर्थक असल्याने विजयकुमार देशमुख यांचे पटत नव्हते.
बाजार समितीच्या निवडणुकीनंतर सुभाष देशमुख आणि आमदार विजयकुमार देशमुख यांचे मनोमिलन झाले. तेव्हापासून हे दोन्ही नेते कायम एकत्र दिसत आहेत. अशातच महापालिका निवडणूक लागली आहे त्याची सर्व जबाबदारी नेतृत्वाने पालकमंत्री जयकुमार गोरे, आमदार सचिन कल्याणशेट्टी आणि आमदार देवेंद्र कोठे यांच्यावर दिल्याचे दिसत आहे.
यामुळे ही दोन्ही देशमुख आमदार नाराज आहे. तशातच भाजप कार्यकर्त्यांचा विरोध असताना दिलीप माने यांचा प्रवेश झाला. अजून देशमुख नेते आतून चिडून आहेत.
दरम्यान सोशल मीडियावर एक फोटो व्हायरल झाला आहे तो सर्वांचे लक्ष वेधून तर घेत आहे पण अनेकाना टेन्शन देणारा सुद्धा आहे.
काशी जगद्गुरु यांनी आमदार सचिन कल्याणशेट्टी आणि आमदार विजयकुमार देशमुख यांना एकत्र आणले आहे, दोघांनी जगद्गुरूंच्या आशीर्वाद घेत एकमेकांना प्रसाद भरवला आहे. पण यात आमदार सुभाष देशमुख असते तर भाजपमधील एकमेकांवरील नाराजी कायमची मिटली असती. या नेत्यांना एकत्र आणण्याचा योग जगद्गुरु यांनी आणला तरी ते मनाने किती एकत्र येतील हा वेळच ठरवणार आहे.
