मोहिते पाटलांच्या सहकारी संस्थांच्या चौकशीचे आदेश? ; मुख्यमंत्री फडणवीस ॲक्शन मोडवर
सोलापूर : आगामी स्थानिक स्वराज्य संस्थांच्या निवडणुका पूर्वीच मोहिते पाटील यांच्या अडचणीत वाढ झाली असून मुख्यमंत्री देवेंद्र फडणवीस यांनी माळशिरस तालुक्यातील मोहिते पाटलांच्या सहकारी संस्थांच्या चौकशीचे आदेश दिले असल्याची खात्रीशीर माहिती समोर आली आहे. यामध्ये श्री शंकर सहकारी साखर कारखाना, सुमित्रा ग्रामीण बिगर शेती पतसंस्था, माळशिरस कृषी उत्पन्न बाजार समिती अकलूज येथील अनियमितिता, आर्थिक गैरव्यवहार याची चौकशी होणार असल्याचे सांगण्यात आले.
भारतीय जनता पार्टीचे नातेपुते मंडळ अध्यक्ष हरी पालवे यांनी मुख्यमंत्री देवेंद्र फडणवीस यांची भेट घेऊन त्यांना तीन वेगवेगळे निवेदन दिले आहेत. यामध्ये पालवे यांनी…
माळशिरस तालुक्यातील कृषी उत्पन्न बाजार समिती, अकलूज येथील आर्थिक घोटाळ्याची व अनियमित कारभाराची चौकशी करून प्रशासक नियुक्ती करणेबाबत…
श्री शंकर सहकारी साखर कारखाना लि, सदाशिवनगर कारखान्याचे चेअरमन रणजितसिंह मोहिते पाटील यांनी ऊसउत्पादक शेतकरी व कर्मचाऱ्यांवती केलेल्या अन्याय विरूद्ध चौकशी करावी,
माळशिरस तालुक्यातील सुमित्रा ग्रामीण बिगर शेती या पतसंस्थेमध्ये आर्थिक घोटाळ्यांची मालिका सुरु असून बोगस कर्ज प्रकरणे दाखवून सामान्य शेतकरी व नागरिकांकडून जबरदस्तीने सुरु असलेल्या वसुलीची उच्च स्तरीय चौकशी समिती नेमून तत्कालीन चेअरमन जयसिंह शंकरराव मोहिते पाटील यांची चौकशी व्हावी अशा मागण्या केल्या आहेत.
तात्काळ मुख्यमंत्री देवेंद्र फडणवीस यांनी या तीनही मागण्यांवर सहकार व पणन विभागाला तात्काळ चौकशी करण्याचे निर्देश दिले आहेत. आगामी जिल्हा परिषद, नगरपालिका आणि पंचायत समिती निवडणुकीच्या तोंडावरच मुख्यमंत्र्यांनी कारवाईचा फास आवडल्याने जिल्ह्यातील दिग्गज नेत्यांच्या अडचणीत वाढ झाली आहे. आमदार रणजितसिंह मोहिते पाटील हे अजूनही भारतीय जनता पार्टीमध्ये आहेत. त्यांच्या विरोधात आलेल्या तक्रारीवर मुख्यमंत्र्यांनी तपासून योग्य कार्यवाही करण्याचे आदेश दिले आहेत.
मुख्यमंत्र्यांच्या सोलापूर दौऱ्यामध्ये आमदार रणजीतसिंह मोहिते पाटील हे आवर्जून उपस्थित असतात लोकसभा निवडणुकीदरम्यान मात्र त्यांनी उघडपणे कोणती भूमिका घेतली नव्हती आता जिल्हा परिषदेच्या निवडणुकांमध्ये रणजीतदादा यांची भूमिका काय असणार याकडेही सर्वांच्या नजरा लागल्या आहेत.
