सोलापूर – स्वामी समर्थ यांचे दर्शन घेऊन साेलापूरला निघालेल्या भाविकांच्या बसला झालेल्या अपघातात एक जण ठार तर सहा जण जखमी झाले आहेत. आज पहाटेच्या सुमारास हा अपघात झाल्याची माहिती पाेलिसांनी दिली.
अक्कलकोट महामार्गावरील लिंबीचिंचोळी गावाच्या परिसरात पहाटेच्या सुमारास कर्नाटक राज्यातील खासगी बस उलटून झालेल्या अपघातात एक ठार तर सहा प्रवासी जखमी झाल्याची प्राथमिक माहिती आहे. अक्कलकोट मधील श्री स्वामी समर्थ यांचे दर्शन घेऊन हे भाविक सोलापूरकडे परतत असताना हा अपघात झाला आहे.
चालकाचा गाडीवरील ताबा सुटल्याने हा अपघात झाल्याची प्राथमिक माहिती समोर येत आहे. बसमधील जखमींना तात्काळ शासकीय रुग्णालयात उपचारासाठी दाखल करण्यात आलं आहे. पुढील तपास वळसंग पोलीस करत आहेत.(साभार साम टिव्ही)
